“Интер” икки совриндан айрилиши ва В Серияга туширилиши кутиляпти
- 27-апрел, 06:11
- Zohir Toshxo’jayev
- 0
- Футбол
Италия чемпионатида пешқадамлик қилаётган “Интер” клуби ҳакамлик можароси сабаб В Серияга туширилиши ва икки совринидан маҳрум қилиниши мумкин.
Бу ҳақда AGI нашри хабар бермоқда.
Манба маълумотига кўра, Милан прокуратураси Италия ҳакамлар корпуси раҳбари Жанлукка Роккани “Интер” жамоаси ўйинларига “қулай” ҳакамларни тайинлашда гумон қилмоқда.
Тергов версиясига кўра, Рокка шахсан айрим ҳакамларни тайинлашга эришган ва бу клуб манфаатларига хизмат қилган.
Агар айбловлар тасдиқланса, “Интер”нинг 2023-2024 йилги мавсумдаги Италия чемпионлиги ва 2024 йилги Италия Суперкубогидаги ғалабадан маҳрум қилиниши кутиляпти
Бундан ташқари, “Интер” янада оғирроқ жазога ҳукм қилиниши мумкин. Регламентда бундай ҳолатларда очколар олиб ташланиши ёки клубнинг юқори дивизиондан бутунлай чиқариш чоралари ҳам белгиланган.
Аввалроқ, Милан прокуратураси фирибгарлик бўйича иш очгани, шундан сўнг А Серия ҳакамлар коллегиясининг собиқ раҳбари Жанлука Рокка ўз лавозимини тарк этгани хабар қилинган эди.