Иккита супергол урган Шомуродов “Олтин бутса”ни қўлга кирита оладими?

Туркия чемпионатининг 31-тури “Истанбул Башакшеҳир” ва “Касимпаша” жамоалари ўртасидаги учрашув билан бошланди.

Айни пайтда Суперлига қизғин паллага кирган. “Галатасарой” навбатдаги чемпионлигага яқинлашмоқда. Икки жамоа – “Фенербаҳче” ва “Трабзонспор” қолган турларда пешқадамга етиб олиши жуда мушкул, бироқ бу икки жамоа кумуш медаль тақдирини ўзаро рақобатда ҳал қилади.

“Бешиктош” совринли ўринларга даъвогарлик қилолмайди. Бироқ Европа миқёсидаги мусобақаларга йўлланма берадиган тўртинчи ўринда мустаҳкам ўрнашиб олган.

Туркия чемпионатида “Истанбул Башакшеҳир” ва “Гёзтепе” Еврокубокларга чиқиш учун курашни давом эттирмоқда. Бу икки клуб кучли тўртликка кира олмайди. Бироқ кучли тўртлик клубларидан қайсидир бири Туркия кубогини қўлга киритган тақдирда, бешинчи ўрин соҳибига Европа сари йўл очилади.

Шу боис Нури Шахин шогирдлари ҳар бир учрашувда ғалаба учун ўйнамоқда. “Касимпаша” билан бўлган баҳсда ҳам истанбулликлар ҳужумкор ўйин кўрсатди ва бешинчи дақиқадаёқ Элдор Шомуродов ҳисобни очишга муваффақ бўлди. Биринчи бўлимнинг ўзида Бертуғ Йилдирим иккинчи голни ҳам урди.

Ўйиннинг иккинчи ярмида Деви Зельке мавсумдаги тўққизинчи голини киритди. Ўйин якунланиши арафасида ян Шомуродов ўзини кўрсатди. Ҳамюртимиз боши билан тўпн дарвозага жойлаб, якунй ҳисобни таъминлади – 4:0.

Ўзбекистонлик ҳужумчи Суперлига тўпурарлари баҳсида “Олтин бутса” учун курашмоқда. Ҳозирча бу рейтингда 22 та гол урган “Трабзонспор” ҳужумчиси Поль Онуачу етакчилик қилмоқда.

Элдор Шомуродов “Касимпаша” дарвозасига киритган икки тўпи билан голлари сонини 20 тага етказиб олди. Қолган учта турда ўзбек ҳужумчиси нигериялик тўпурарга етиб олишга ҳаракат қилади.

Бироқ бу қийин масала. Шомуродовнинг ўзи индивидуал ютуқлардан кўра, жамоа муваффақиятини устун қўйишини билдириб, тўпурарлик пойгасига у қадар жиддий эътибор бермаслигини айтган эди.

Тўпурарлар баҳсида учинчи ўринда бораётган “Фенербаҳче” форварди Талиска ҳам етакчиларни таъқиб этишни давом эттирмоқда. Бразилиялик юлдуз ҳозирча рақиблар дарвозасин 16 марта ишғол қилган.

Поль Онуачу ва Талиска жамоалари 26 ва 27 апрель кунлари ўтказади.

“Истанбул Башакшеҳир” навбатдаги ғалабадан кейин очколари сонини 51 тага етказиб, бешинчи ўриндаги позициясини мустаҳкамлаб олди. Нури Шаҳин жамоаси кейинги тур ўйинини 3 май куни “Фенербаҳче”га қарши рақиб майдонида ўтказади.

Артета Ҳусанов бўйича кескин фикр билдирди

Эксперт Ҳусановни “Реал” юлдузидан юқори баҳолади

Ҳусанов Премьер-лигани ўзгартирди!

“Сити”ни биринчи ўринга кўтаришга ҳисса қўшган Ҳусановнинг ўйини қандай баҳоланди?

Шомуродов трансферига Италия ва Туркиядан қандай муносабат бўлди?

Ҳакам: Ҳусановга қизил карточка кўрсатиш керак эди!

Холанд Хусановдан ҳайратга тушди

Ҳусановга яна хушхабар