Икки нафар ҳамюртимиз жаҳон чемпионати йўлланмасини қўлга киритди

18-23 август кунлари Германиянинг Ахен шаҳрида от спортининг конкур йўналиши бўйича жаҳон чемпионати бўлиб ўтади. Халқаро от спорти федерацияси мазкур мусобақанинг саралаш даври бўйича якунларни эълон қилди.

Унга кўра, Ўзбекистон терма жамоаси аъзолари Абдураҳмон Абдуллаев ва Бекзод Қурбонов дунё биринчилигида қатнашиш ҳуқуқини қўлга киритишди. Чавандозларимиз жаҳон чемпионатида 155 ва 160 см баландликдаги тўсиқлардан сакраш баҳсларида ўз имкониятларини синаб кўришади. 

Бу ҳақда МОҚ хабар бермоқда.