Икки ҳамюртимиз Астана Гран-присида совриндор бўлди!

Қозоғистоннинг Астана шаҳрида пара дзюдо бўйича "2026 IBSA Grand Prix Astana" халқаро гран-при мусобақаси бўлиб ўтмоқда. Ушбу нуфузли мусобақада 24 мамлакатдан жами 140 нафар, хусусан, Ўзбекистон терма жамоаси аъзолари ҳам иштирок этмоқда.

Мусобақанинг илк кунида вакилларимиздан Шоҳруҳ Мамедов ҳамда Шерзод Намозов шоҳсупага кўтарилди. Ҳал қилувчи беллашувларда Мамедов бразилиялик Данило Силвадан устун келган бўлса, Шерзод Намозов кумуш медални қўлга киритди.

Эркаклар (J1 класси, 81 кг):

Шоҳрух Мамедов (Ўзбекистон)
Данило Силва (Бразилия)
Магомедзакир Магомедов (Нейтрал мақомдаги спортчи)
Александр Жужгов (Нейтрал мақомдаги спортчи).

Эркаклар (J2 класси, 70 кг):

Ибрагим Нурмаханули (Қозоғистон)
Шерзод Намозов (Ўзбекистон)
Искандер Улданов (Қозоғистон)
Серхио Ибанес (Испания).

Бу ҳақда Ўзбекистон Республикаси Спорт вазирлиги хабар бермоқда.