Икки гранд: “Сити” АПЛдан ҳайдалса, Шеркини олиб кетамиз!
- 9-октябр, 16:04
- Zohir Toshxo’jayev
- 0
- Футбол
“Ливерпуль” ва ПСЖ клублари АПЛнинг молиявий қоидалари бузилгани учун “Манчестер Сити”га эҳтимолий санкциялар қўлланилиши фонида клубнинг ҳужумкор футболчиси Райан Шеркига қизиқиш билдира бошлади.
Бу ҳақда TEAMtalk хабар берди.
Манба маълумотига кўра, “Манчестер Сити” жазоланган тақдирда, клуб Шеркини “ўзи учун мақбул бўлган нархда иккиланмасдан сотувга қўяди”. Бу қишки ёки ёзги трансфер ойнасида содир бўлиши мумкин.
Шунингдек, 23 ёшли футболчининг ҳолатини Мадриднинг “Реал” клуби ва “Челси” ҳам кузатаётгани таъкидланган.
Жорий мавсумда Шерки барча турнирларда саккизта учрашувда иштирок этиб, тўртта гол ва иккита голли узатма қайд этди. Футболчининг клуб билан амалдаги шартномаси 2030 йил ёзига қадар мўлжалланган.
Transfermarkt маълумотларига кўра, Шеркининг бозор қиймати 90 млн еврони ташкил этади.