Иброҳимхалил Йўлдошев: "Барибир терма жамоада гол уриш бошқача"
- 12-октябр 2021, 08:31
- Shuhratbek Jo’rayev
- 2
- Футбол
“Нижний Новгород” ҳимоячиси Иброҳимхалил Йўлдошев ҳам Сречко Катанец бошчилигидаги миллий терма жамоамиз сафида тер тўкяпти.
Футболчи ЎФА матбуот хизматига ўз таассуротлари билан ўртоқлашди.
- Таассуротлар яхши. Бу иккинчи йиғинимиз, биринчи йиғинимиз ҳам яхши ўтди, Швецияга қарши ўйнадик. Ҳозир янги футболчилар бор, улар ҳамма билан тез мослашиб кетди.
Ўйинга келсак, бизнинг назоратимиз остида ўтди. Биринчи бўлимда мувозанатни бироз йўқотиб қўйганимиз учун гол ўтказиб юбордик. Иккинчи бўлимда захирадан майдонга тушган ўйинчилар ҳам ўзларини кўрсатишга ҳаракат қилди.
Гол ҳақида гапирсам, бу дебют голим бўлди. Барибир терма жамоада гол уриш бошқача. Навбатдаги учрашувга тайёргарлигимиз яхши. Халқимизнинг ишончини қозонишга ҳаракат қиламиз, - дейди Йўлдошев.