Ибрагимович: "Мен ҳар доим "Милан" мухлиси бўлиб қоламан"

Златан Ибрагимович "Милан"га бўлган муҳаббатини яна бир бор таъкидлади.

"Мен ҳар доим "Милан" мухлиси бўлиб қоламан, чунки "Милан" менга нималар берганини ҳеч қачон унутмайман. Улар менга бахт, иккинчи қайтишимда эса муҳаббат ҳадя қилди. Мен ўзимдан 20 ёш кичик футболчилар билан бирга ўйнадим.

Хайрлашув маросими ҳам ўзига хос бўлган. Чунки олдиндан сценарийни кўрсатишганида: "Ҳеч нарса билгим келмайди, ҳис-туйғулар табиий бўлиши керак", деганман. Бу осон бўлмади", — дея эслаб ўтди швециялик собиқ футболчи.

Эслатиб ўтамиз, собиқ ҳужумчи 2023 йили жамоа билан футболчи сифатида хайрлашган эди. Ҳозирда у клуб директорининг маслаҳатчиси лавозимида фаолият юритмоқда.