IBF чемпиони Филип Хрговичнинг кейинги рақиби маълум бўлди
- 22-сентябр, 16:29
- Javohir Malikov
- 0
- Бокс
Таниқли промоутер Фрэнк Уоррен оғир вазнда IBF чемпиони Филип Хрговичнинг кейинги режаларига ойдинлик киритди.
"Хргович бу йил рингга чиқмайди, лекин келаси йилнинг бошида жанг қилади. Биз буни ташкил қиламиз. Филип айни пайтда Фрэнк Санчесга қарши беллашиши керак. Бу унинг мажбурий ҳимояси ва биз мазкур тўқнашувга розилик берганмиз. Аввалроқ, Санчесга вақтинча четга чекиниши учун катта миқдорда пул ҳам тўлаган эдик", — дея Уорреннинг сўзларини келтирди "Boxing Scene" нашри.
Эслатиб ўтамиз, 29 август куни Филип Хргович 9 раундда британиялик Мозес Итаумуни техник нокаутга учратиб, IBF камарини қўлга киритганди. Ушбу дивизионда ҳамюртимиз Баҳодир Жалолов тўртинчи ўринни эгаллаб турибди. Чарм қўлқоп устамиз 17 октябрь куни Соломон Дакресга қарши рингга кўтарилади.