Иан Гарри: "Конор Макгрегор ярим очиқ қолган саҳифани тўлиқ ёпиши керак"
- 8-август, 11:33
- Javohir Malikov
- 0
- MMA
Ирландиялик UFC жангчиси Иан Гарри "UFC 329" турнирида Конор Макгрегор олган жароҳат ҳақида фикр билдириб, ҳамюртини яна октагонга қайтишга чақирди.
Гаррининг таъкидлашича, Макгрегор ўзининг ярим очиқ қолган саҳифасини ёпиши, руҳий жиҳатдан хотиржам бўлиши ва карьерасини чиройли тарзда якунлаши керак.
"Макс Холлоуэйга қарши жанг атрофида бўлган воқеаларни кузатиш жуда оғир... Бу дунёдаги исталган жангчи учун нохуш ҳолат — ойлаб тайёргарлик кўрасиз, лекин октагонда ўзингизни кўрсатиш имкони бўлмайди. Ўйлайманки, Конор, албатта, қайтади, чунки у руҳий ҳолатини тиклаб олиши керак.
Макгрегорнинг айтишича, шартнома бўйича унда яна бир жанг қолган. Бу шундай тугамаслиги керак. Унинг ўрнида бўлганимда, охирги жангим шундай тарзда якунланишини истамасдим", — дея Гаррининг сўзларини келтирди "MMA Junkie".
Эслатиб ўтамиз, 11 июль куни беш йиллик танаффусдан сўнг октагонга қайтган Конор Макгрегор Макс Холлоуэйга қарши баҳснинг бошидаёқ оёғидан олган жароҳати сабабли муддатдан аввал мағлубиятга учради.