Ҳусановнинг устози хушхабар эшитди
- 2-июл 2025, 16:50
- Zohir Toshxo’jayev
- 0
- Футбол
Нуфузли манбалардан бири – Give me Sport экспертлари жаҳондаги энг кучли футбол мураббийлари рейтингини тузиб чиқди.
Унга кўра, биринчи ўринга “Манчестер Сити”ни 2016 йилдан бери бошқариб келаётган испаниялик мутахассис Хосеп Гвардиола лойиқ кўрилди. Таъкидлаш керакки, Ўзбекистон миллий терма жамоаси марказий ҳимоячиси Абдуқодир Ҳусанов айни пайтда Гвардиола қўл остида тўп тепяпти.
Янги рейтингда иккинчи поғонади яна бир испаниялик мураббий Луис Энрикега насиб қилди. Якунланган мавсумда бу мутахассис “Пари Сен-Жермен”ни клуб тарихида илк бор Европа Чемпионлар лигаси ғолибига айлантирди.
Кучли учликни Англияга келиши билан дебют мавсумининг ўзида “Ливерпуль”ни Премьер-лига ғолибига айлантирган Арне Слот якунлаб берди.
Бу уч мураббийдан ташқари “топ-10”га Симоне Индзаги, Карло Анчелотти, Ханс-Дитер Флик, Антонио Конте, Хаби Алонсо, Диего Симеоне ва Микель Артета киритилди.
Қизиғи шундаки, рейтингда энг юқори поғонани банд этган Хосеп Гвардиола якунланган мавсумда ўз жамоаси билан бирорта совринга эриша олмади.