Ҳусановнинг сенсацион ютуғи қандай қабул қилинди?
- 7-феврал, 11:13
- Zohir Toshxo’jayev
- 0
- Футбол
Ўзбекистон миллий терма жамоаси ҳимоячиси Абдуқодир Ҳусанов “Манчестер Сити”нинг январь ойидаги энг яхши футболчиси совринини қўлга киритди. Клуб матбуот хизмати томонидан сўровнома орқали ўтказилган танловда 21 ёшли легионеримиз тажрибали жамоадошлари – Жанлуижи Доннарумма ва жамоа сардори Бернарду Силвани ортда қолдирди.
Sports.uz портали “Манчестер Сити” мухлисларининг ижтимоий тармоқларда Абдуқодирнинг ғалабасига бўлган муносабати, билдираётган фикр-мулоҳазалари ўрганиб чиқди ва улардан айримлари ўқувчилар эътиборига тақдим этишни маъқул топди.
Табриклар, муносабатлар ва мулоҳазалар жуда кўп. Уларнинг аксариятида Ҳусановнинг совринга ҳақиқатан лойиқлиги, Хосеп Гвардиола уни доим бошланғич таркибда ўйнатиши лозимлиги, жамоа муваффақиятларида Абдуқодирнинг хизматлари катта экани эътироф этилди.
Шунингдек, қуйидагича фикр-мулоҳазалар ҳам билдирилган.
Ðizø Çøñcëpțs:
Ҳақиқатан ҳам бизнинг ўзбек юлдузимиз! Парвозингни давом эттир, Ҳусанов!
Robbie Mutimusakwa:
У Кайл Уокер каби жуда тез, чақмоқдек тезликка эга.
Vincent Makb:
Абдуқодир бу совринга чиндан ҳам лойиқ.
Karani W Derrick:
Илтимос, энди уни захирага ўтқазманг
Huckii Ni Mejjah:
Нима учун Пеп Ҳусановни ўнг ҳимоячи сифатида ўйнатмай қўйди? У бу позицияда жуда яхши, чунки жамоа айнан шу жойда қаттиқ кураш олиб бормоқда. Ҳусановни ҳимоянинг ўнг қанотига қўйса, марказда Рубен Диаш ва МАрк Гехи билан бирга ўйнай олади.
Kind Quavor:
Ҳусанов ҳозир биздаги энг яхши ҳимоячи.
Chrizo Kristie:
Унинг тикланиш тезлиги энг юқори даражада… Бизга “Энфилд”да унинг хизмати жуда зарур. Айни пайтда у доимий асосий таркиб ўйинчиси бўлиши керак
Dõctõr Kãrûgõ:
Тўлиқ асосий ўн бирликда бўлиши шарт.
Nkeh Francis:
Сен энг яхшиси бўлиш учун барчасини қилаяпсан, Ҳусанов.
Steve Wilson:
Ҳусанов табассум қилди! Бунга лойиқ. Марказий ҳимоячилар ўйинини томоша қилиш ҳар доим ҳам ёқимли бўлавермайди. Лекин Абдуқодир бошқа масала.
Justin Siyunda:
Ҳусанов жуда агрессив. Жуда яхши ҳимоячи. Унинг агрессив услуби менга ёқади.
Pat Looker:
Совринга жуда ҳам лойиқ. Мен овозимни унга бердим. Ўйиндан ўйинга яхшиланяпмиз.
Deng Mateem:
Совринга лойиқ… У ҳар бир ўйинда жуда муҳим роль ўйнади.
Chris Namate:
Бу бола ҳужумчиларни “тутишни” билади.
Tamandani Mark Chiputula:
Ҳусановга Африкадан, Малавидан катта муҳаббат йўллаймиз.
Afeworki Kinfe:
Лойиқ. Бизнинг келажакдаги энг яхши ҳимоячимиз.
Mugambi Kithiambiro:
Ҳусанов ривожланяпти ва жуда тез ўсиб бормоқда.
Eirik Jensen:
Ҳусанов ҳар доим 100 фоиз куч билан ўйнайди. Энди у гладиаторча фикрлашни жамоадошларининг кўпчилигига ҳам ўтказиши керак. Лойиқсан, йигит!
Abdou Saadi:
Жазоирдан салом, бизнинг ўзбек биродарларимизни яхши кўраман.
Dancun Kimulwo:
Ҳусановга Африкадан, Кениядан табриклар.
Stan Stanee:
Ҳусанов Осимхенни гўё гол уришни унутишга мажбур қилди.
Thin Tall Uche:
Агар Ҳусанов мунтазам ўйин ўтказса, у ҳар доим “ойнинг энг яхши ўйинчиси” соврини ютиб олади.