Ҳусановнинг ПСЖ билан ўйиндаги хатоларини тушунтиришди

ПСЖ ва «Манчестер Сити» тўқнашувидан анча кескин кураш кутилганди, аммо биринчи бўлимдаёқ меҳмонлар томонидан урилган учта гол стадионни лол қолдирди. «Шаҳарликлар»нинг ҳимоясидаги таназзул жамоанинг мавсумдаги иккинчи мағлубиятига, 8 ўйиндан иборат ғалабали сериянинг тўхташига ва энг муҳими, табиий кўринган натижага олиб келди.

Аслида ҳисоб янада йирик бўлиши мумкин эди – Ферран Торрес пенальтидан фойдалана олмади, акс ҳолда англияликлар учун ҳақиқий фожиа қайд этиларди. Аммо Чемпионлар лигаси амалдаги ғолиби бугунги куда майдонда ким зўр эканини «Манчестер Сити»га яққол кўрсатиб қўйди.

Энди эътиборни шу саволга қаратамиз: нега «Манчестер Сити» шундай юқори даражадаги учрашувда бу қадар бўш кўринди? «Евро-футбол» нашри  ўйинни таҳлил қилиб, Энцо Мареска шогирдларига 10 баллик тизим асосида субъектив баҳолар берди.

«МАНЧЕСТЕР СИТИ» – ПСЖ ЎЙИНИДАГИ УЧТА ЭНГ ЗАИФ ФУТБОЛЧИ

АБДУҚОДИР ҲУСАНОВ – 3,0. «Сити»нинг асосий муаммоларидан бири қанот ҳимоясида намоён бўлди. Айнан шу ерда Ҳусанов рақибни назорат қилиш нима эканини унутиб қўйгандек туюлди. Бошқача қилиб тушунтириш қийин: нега Дезире Дуэ деярли ҳар доим эркин қолди?

Дезире тўпни қабул қилади ва олдида катта бўшлиқ – натижада биринчи гол. Кейинчалик яна ўша манзара: дарвоза олдида ҳеч ким томонидан ёпилмаган ҳолда тўпни шеригига узатиб, иккинчи голга ассист қилади. 

Абдуқодир Ҳусанов бир неча бор зонасида жойини йўқотди, орқа томонни очиб қўйди ва 5–7 марта жиддий позицион хатога йўл қўйди.

МАРК ГЕХИ – 3,0. Қизиғи шундаки, ўйинда энг кўп танқидга учраган ҳимоячиларни Мареска алмаштиришга шошилмади. Ҳисоб 0:3 бўлганидан сўнг бошқа футболчиларга дам беришни маъқул кўрди, аммо Гехи майдонда қолди. 

Марк бутун ўйин давомида бир хил ноаниқ ҳаракат қилди, кўп ҳолларда тўпдан ўзини четга олиб, рақибни жуда пассив тарзда кутиб олди. Дембеле Гехининг шартли «прессинги» остида осонликча вазият яратиб, иккинчи голни урди. Аклиуш эса худди шу усулда тўртинчи гол муаллифига айланди.

ДЖАНЛУИЖИ ДОННАРУММА – 3,0. Албатта, Доннаруммани ҳам эсдан чиқариб бўлмайди. У Ферран Торреснинг ишлатилмаган пенальтисидан кейин вазиятни юмшатишга умид қилгандек бўлди, аммо кеч эди. ПСЖнинг тўртинчи голида италиялик дарвозабон деярли тўпни ўзи дарвозасига киритди – Дуэ ва Дембеле зарбасида яқин бурчакни ёпишга улгурмади.

Витинья зарбаси ҳам унчалик қийин эмасди. Мутахассислар ҳисоб-китобига кўра, Доннарумма қайтариши мумкин бўлган тўплар сони манфий кўрсаткичга тушди, тўртта ўтказиб юборилган гол эса унинг ўйини ҳақидаги тасаввурни янада оғирлаштирди.

Мағлубиятга жавобгар Ҳусановнинг ўйинини экспертлар қандай баҳолади?

Мағлубиятга жавобгар Ҳусановнинг ўйинини экспертлар қандай баҳолади?

Бир учрашувда икки позицияда ўйнаган Ҳусановга неча балл қўйилди?

Ўзбекистон Россия терма жамоаси билан ўйин шартини айтди

Туркия Ўзбекистон футболчилари бўйича муҳим расмий қарорни эълон қилди

Ўзбекистон терма жамоаси янгича халқаро мусобақада иштирок этади