Ҳусановнинг илк ўйини неча баллга лойиқ кўрилди?

Ўзбекистон терма жамоаси ва «Манчестер Сити» ҳимоячиси Абдуқодир Ҳусанов Италиянинг «Интер» жамоасига қарши ўртоқлик учрашувидаги ўйини учун юқори баҳоланди. 

Статистик кўрсаткичларга ихтисослашган Flashscore портали ўзбекистонлик футболчининг майдондаги ҳаракатларини 7,2 баллга баҳолади. 

Шу тариқа, Ҳусанов инглиз клуби таркибидаги натижалар бўйича бразилиялик ҳужумкор футболчи Савио билан биргаликда бешинчи ўринни бўлишибди — у ҳам 7,2 балл олди.

«Манчестер Сити» сафида энг юқори баҳони жуда фаол ўйнаган Антуан Семеньо қайд этди — 8,0 балл. 

Дивин Мубама, Нико Гонсалес ва Витор Рейслар ўйини эса 7,5 балл билан баҳоланди.

Абдуқодир Ҳусанов учрашувни асосий таркибда бошлади ва бутун 90 дақиқа давомида майдонда қолди. 83-дақиқада ўзбекистонлик ҳимоячи огоҳлантириш олиб, сариқ карточка билан жазоланди. 

Беллашувнинг асосий вақти 1:1 ҳисобида якунланди. 14-дақиқада Дивин Мубама «Манчестер Сити»ни ҳисобда олдинга олиб чиққан бўлса, 20-дақиқада «Интер» футболчиси Бенжамен Павар ҳисобни тенглаштирди.

Иккинчи бўлимда манчестерликлар жуда катта устунликка эга бўлди. Ҳусанов жамоасига ғалаба келтириши мумкин эди. Унинг ноқулай ҳолатда бир уринишда берган зарбасини ҳимоячи дарвоза чизиғи устидан қайтариб юборди. 

Учрашув ғолибини аниқлаш учун пенальтилар серияси ўтказилди. Абдуқодир инглиз жамоаси сафида иккинчи бўлиб зарба йўллади, аммо тўп дарвоза тўрига тушмади. Пенальтилар сериясида «Интер» 3:1 ҳисобида устун келди.

Гол уришига бир баҳя қолган Ҳусановнинг ўйинини экспертлар қандай баҳолади?

Тезкор! Шомуродов суперклубга ўтиши кутиляпти

“Брага”даги Ҳасанов “Порту”га супергол урди

Ҳусанов синган оёқ билан майдонга тушганини тан олди

Икки ўзбек “Брага”га нега керак?

Шомуродовни машҳур клубда кўришмоқчи! Элдор ҳар қандай жамоани кучайтиради