Ҳусановнинг "Эвертон"га қарши баҳсда қайд этган статистикаси билан танишинг

АПЛнинг 35-туридан ўрин олган сўнгги учрашув ўз ниҳоясига етди.

“Манчестер Сити” сафарда “Эвертон” билан 3:3 ҳисобида дуранг ўйнади. Ҳамюртимиз Абдуқодир Ҳусанов учрашувни асосий таркибда бошлаб, тўлиқ 90 дақиқа майдонда ҳаракат қилди. Қуйида унинг ўйиндаги статистикаси билан танишинг.

Ҳусанов баҳс давомида 90 дақиқа ҳаракат қилиб, гол ва голли узатма қайд этмади. Унинг кутилган гол кўрсаткичи (xG) 0.01ни, кутилган голли узатмалар (xA) эса 0.02ни ташкил қилди.

Футболчи 62 та узатманинг 58 тасини аниқ амалга ошириб, 94 фоизлик кўрсаткич қайд этди. Шунингдек, у рақиб жарима майдони ичида деярли фаоллик кўрсатмади, бир марта ноаниқ зарба берди.

Ҳимоявий ҳаракатларда эса анча ишончли ўйин намойиш этди. Жами 10 та ҳимоявий ҳаракатни амалга ошириб, 3 та тўп тортиб олиш (tackle), 3 та блок ва 4 та тозалаш (clearance) қайд этди. Шу билан бирга, 8 марта тўпни қайтариб олди.

Дуэлларда ҳам самарали ҳаракат қилди — ердаги курашларда 6 та уринишнинг барчасида ғалаба қозонди, ҳаводаги курашларда эса 2 та уринишдан 1 тасида устун келди.