Ҳусановни бошқа клубга тавсия қилишди!
- 16-сентябр, 06:14
- Zohir Toshxo’jayev
- 0
- Футбол
“Манчестер Юнайтед” клубининг собиқ скаути Николас Чиналли ўз вақтида жамоа раҳбариятига ўзбекистонлик футболчи Абдуқодир Ҳусановни олишни таклиф этганини маълум қилди.
- Ёшлар ўртасидаги жаҳон чемпионатида Ўзбекистон U-20 терма жамоаси ўйинларини кузатар эканман, Ҳусанов дарҳол эътиборимни тортди.
Унинг учта асосий жиҳати жуда ёқди: тезлик, жисмоний куч ва майдондаги диққат. Абдуқодир “Манчестер Юнайтед” учун жуда мос футболчи, деб ўйлардим, ўша пайтда бутун жамоаси жанговор руҳда эди, - дейди 47 ёшли мутахассис.
Таъкидлаш жоизки, 2023 йилда йигирма ёшгача бўлган футболчилар иштирокидаги икки мусобақа – Осиё ва жаҳон чемпионатлари бир неча ўзбекистонлик ёш иқтидорларни кашф қилиб берди.
Осиё чемпионатида ғолиб чиққан Ўзбекистон U-20 терма жамоаси Аргентинада ўтказилган жаҳон чемпионатида ҳам муносиб иштирок этди. 2023 йилги мундиалда ёшларимиз 1/8 финалгача етиб борган ва Исроилга кичик ҳисобда мағлуб бўлиб, юришини тўхтатган эди.
Бироқ ўша терма жамоанинг бир неча вакили Европа футболига кўчиб ўтди. Хусусан, Николас Чиналли Абдуқодирнинг салоҳиятини биринчилардан пайқаган ва “Манчестер Юнайтед”га тавсия қилган. Бироқ ўшанда “Юнайтед” раҳбарияти келажак учун эмас, балки дарров ҳимояни кучайтира оладиган тажрибали ва тайёр ўйинчи олишни маъқул кўрган.
Абдуқодирни эса, Беларуснинг “Энергетик-БГУ” жамоасидан Франциянинг “Ланс” клуби олиб кетди ва бир ярим йилдан кейин “Манчестер Сити”га 40 миллион евро эвазига трансфер қилди.
Ўзбекистон U-20 терма жамоаси вакилларидан бир нечтаси бугун легионер сифатида тўп тепмоқда. Жумладан, Аббосбек Файзуллаев аввал Россия чемпионатида ЦСКАда тўп тепди ва кейин Туркияга кўчиб ўтиб, ҳозир “Истанбул Башакшеҳир”нинг етакчи ўйинчиларидан бирига айланган.
Умарали Раҳмоналиев Россияда “Рубин”да ўйнади ва айни пайтда Озарбайжон чемпиони “Сабах” сафида Европа Чемпионлар лигаси умумий гуруҳида қатнашяпти. Ҳар икки легионеримизга Франция жамоаларидан қизиқиш бўлаётгани ҳақида маълумотлар бор.
Маҳмуд Маҳамаджонов эса, бу йилдан Россия Премьер-лигасида иштирок этаётган Махачқалъанинг “Динамо” жамоаси шарафини ҳимоя қилмоқда.
Ўзбек футболчиси Швейцарияда гол уриб, тарихга кирди, рақиб янчиб ташланди
“Манчестер Сити” Ҳусанов билан Қозоғистонга келмоқчи!
Ўзбекистон терма жамоасини жаҳоннинг энг зўр мураббийи бошқарадиган бўлди
"Пахтакор" Чемпионлар лигасида сенсация кўтарди
“Пахтакор” билан ўйиндан кейин рақиб мураббийи танқидларга жавоб беришига тўғри келди
"Нефтчи" Чемпионлар лигасидаги битта ғалаба учун қанча олди?