Ҳусановга япон гўзаллари ошиқ бўлди!
- 13-июл, 09:20
- Zohir Toshxo’jayev
- 0
- Футбол
2026 йилнинг энг муҳим воқеаси – футбол бўйича жаҳон чемпионатини бутун ер куррасидаги мамлакатлардан томоша қилишди. Статистика ва таҳлил бўйича экспертлар мундиал давомида футболчиларнинг ижтимоий тармоғидаги ўзгаришларни ҳам кузатиб боришди.
Шу тариқа, мутахассис мундиал иштирокчилари орасида нафақат ўйинлари, балки ташқи кўриниши, характери, ўзига хослиги билан томошабинлар, айниқса, нозик хилқат вакилалари эътибор ва эътирофини қозонган футболчилар рўйхатини тузиб чиқди.
Манбаларнинг таъкидлашича, қуйидаги рўйхатдан жой олган футболчиларнинг жаҳон чемпионатидаги иштироки давомида уларнинг чеҳралари деярли ҳар иккинчи сторисда пайдо бўлди, ижтимоий тармоқлардаги обуначилар сони эса шиддат билан ошиб кетди.
Возинья – машҳур бўлиб уйғонган дарвозабон
Кабо-Верде дарвозабони турнирга деярли ҳеч кимга танилмаган ҳолда келди, аммо кетар пайтига келиб, у ҳақиқий тимсолга айланди.
Бир кеча ичида унинг ижтимоий тармоқларидаги обуначилар сони миллионлаб ошди ва уларнинг катта қисми аёллар эди. Солиштириш учун: унинг ватани аҳолиси 600 минг кишидан ҳам кам. Демак, Возинья бир сутка ичида ўз юрти аҳолисидан кўпроқ мухлисга эга бўлди.
Харизма, ажойиб сейвлар ва эсда қоларли ташқи кўриниш уни мухлисаларнинг ёқимтойига айлантирди. У икки ҳафта ичида ҳеч ким танимайдиган дарвозабондан бутун чемпионатнинг юзига айланди.
Холанд – мундиалга биринчи марта келган норвегиялик даҳо
Эрлинг Холанд ниҳоят ўзига муносиб бўлган саҳнага чиқди. Норвегия терма жамоасининг етакчиси нафақат кутилган натижани кўрсатди, балки ҳал қилувчи пайтларда урган голлари, кучли харизмаси, машҳур табассуми, соч турмаги ва шимолликларга хос ташқи кўриниши билан турнирнинг асосий рамзларидан бирига айланди.
Ҳар бир учрашувдан кейин унинг суратлари интернет бўйлаб тезлик билан тарқалди.
Ҳусанов – Тошкентдан чиққан сокин бўрон
Абдуқодир Ҳусанов шахсига бўлган қизиқишнинг ҳақиқий портлаши содир бўлди.
Майдонда тошдек жиддий чеҳра, камералар олдида эса юмшоқ нигоҳга эга бўлган футболчи миллионлаб мухлисларнинг янги севимлисига айланди. Унинг ижтимоий тармоқлардаги машҳурлиги бир неча баробар ошди ва қизиқ жиҳати шундаки, у айниқса Япониядаги қизлар орасида катта эътибор ва муҳаббат қозонди.
Ҳимоядаги ишончли ўйини, босим остидаги хотиржамлиги ва ўзига хос шарқона ташқи кўриниши уни ҳам журнал муқовалари, ҳам трансфер рўйхатлари учун идеал қаҳрамонга айлантирди.
Абдуқодир Ҳусанов – жаҳон футболидаги янги ном ва Ўзбекистоннинг тарихий иштирокининг асосий қаҳрамонидир.
Салоҳ – тожга муҳтож бўлмаган подшоҳ
Муҳаммад Салоҳ аллақачон оддий футболчи тушунчасидан анча юқорига кўтарилган. 2026 йилги жаҳон чемпионатида у яна Миср терма жамоасини олға етаклади, ҳужумда фаол ҳаракат қилди ва Африка футболининг энг машҳур юлдузи бўлиб қолди.
Аммо мухлис қизлар унинг дриблингини эмас, балки табассуми, услуби ва табиий жозибасини муҳокама қилишмоқда. Салоҳ аллақачон Миср футболининг брендига айланган.
Кейто Накамура – TikTok юлдузи
Япония терма жамоаси чап қанот ҳужумчиси Кейто Накамура кутилмаганда турнирнинг энг кўп муҳокама қилинган футболчиларидан бирига айланди.
Бир нечта ёрқин ўйинлардан кейин ижтимоий тармоқлар унинг голлари, табассуми ва ғалабадан кейинги эмоциялари акс этган видеолар билан тўлиб кетди.
Мухлис қизлар тез орада уни мундиалнинг асосий тимсолларидан бири, деб аташди ва унинг машҳурлиги Осиё чегараларидан анча узоқларга ёйилди.
Деклан Райс – англиялик жентльмен
Англия терма жамоаси ярим ҳимоячиси Деклан Райс ўз авлодининг энг яхши футболчиларидан бири ҳисобланади, аммо айнан ушбу чемпионатда уни футбол муҳокамаларидан ташқари жойларда ҳам кенг муҳокама қила бошлашди.
Унинг босиқ услуби, хотиржамлиги ва ҳақиқий жентльмен қиёфаси уни миллионлаб янги мухлис қизларнинг севимлисига айлантирди.
Жед Беллингем – таърифга муҳтож бўлмаган юлдуз
Агар кимдир мундиалга аллақачон жаҳон миқёсидаги машҳур шахс сифатида келган бўлса, бу Жуд Беллингем эди.
Аммо шунга қарамай, инглиз ярим ҳимоячиси ўз машҳурлигини янада оширишга муваффақ бўлди. Мухлислар унинг майдондаги ишончига қойил қолишса, мухлис қизлар унинг харизмаси, табассуми ва услубини юқори баҳолашмоқда.
Беллингемнинг ҳар бир чиқиши ижтимоий тармоқларда минглаб янги постлар пайдо бўлишига сабаб бўлмоқда.
Ферран Торрес – муҳокамалар ўчоғида қолган футболчи
Ферран Торрес яна ҳамманинг диққат марказида. Испания терма жамоаси ярим ҳимоячиси самарали ўйнади ва ҳар бир учрашувдан кейин Instagram ва бошқа платформалар футболчининг суратлари билан тўлди.
2026 йилги жаҳон чемпионатида испаниялик футболчи энг кўп муҳокама қилинган шахслардан бирига айланди ва унинг мухлисларининг катта қисмини футболни доимий кузатиб бормайдиган қизлар ташкил этмоқда.
Ўзбекистонга иккита гол урган ҳужумчининг юзига кислота сепишган!
Ҳозир фақат Ҳусанов бор! “Сити” Осиё турнеси бўйича маълумот чиқарди
“Сити” 25 нафар футболчи билан хайрлашади. Харидорлар учрашувга таклиф этилди