"Сити" Ҳусановга жароҳат етказган юлдузни 99 миллион еврога оляпти

Италиянинг «Наполи» клуби ва Бельгия миллий терма жамоаси ярим ҳимоячиси Кевин Де Брёйне Лига чемпионларининг умумий босқичида аввал ўзи ўйнаган «Манчестер Сити»га қарши бўлажак учрашув ҳақидаги кутилмалари билан ўртоқлашди.

- «Манчестер Сити»га қарши ўйнашни ёқтирмайман. Бу ҳар доим менинг жамоам бўлиб қолади ва бу нормал ҳолат. Мен у ерда 10 йил ўтказдим.

Ўша йўл, тараққиёт ва ғалабалар ҳеч қаерга йўқолмайди. Уларга рақиб сифатида майдонга чиқиш менга ёқмайдиган нарса, - дея  Кевин Де Брёйненинг сўзларини келтиради Corriere dello Sport.

Де Брёйне Англия клубида 2015 йилдан 2025 йилгача ўйнаган. У барча турнирларда 422 та учрашувда майдонга тушиб, 108 та гол урган ва 177 та голли узатмани амалга оширган.

 

 

“Манчестер Сити” ёзги трансферлар ойнаси ёпилиши арафасида яна бир супертрансферни амалга оширишга қарор қилди. Клуб раҳбарияти катта трансферлар орқали янги бош мураббий Энцо Марескани қўллаб-қувватлашга ҳаракат қилмоқда.

Англиянинг машҳур клубларидан “Ливерпуль” ҳужумкор футболчи Коди Гакпони сотиш вариантни кўриб чиқяпти.

Журналист Дэвид Линч маълумотига кўра, Fenway Sports Group клуб эгалари 26 ёшли футболчи билан хайрлашишга тайёр.

-  “Ливерпуль” ҳақиқатан ҳам Гакпони шу ёзда сотиши мумкинлигини эшитганимда, жуда ҳайрон қолдим. Менимча, клуб янги мураббий қўл остида унга яна бир мавсум имконият беради, деб ўйлагандим, у аввалги даражасига қайта оладими-йўқми, шуни кўриш учун. Лекин ҳозирги вазиятдан келиб чиқиб айта оламанки, уни сотиш варианти жуда ҳам реал кўрина бошлади. Бу албатта у кетади, дегани эмас, аммо агар яхши таклиф тушса, “Ливерпуль” иккиланмасдан рози бўлиши эҳтимоли катта, - дея таъкидлади Дэвид Линч.

Ўтган мавсумда Гакпо Мерсисайд клубининг кўплаб футболчилари каби, ўзининг энг яхши ўйинини намойиш эта олмади. Премьер-лигада чемпионлик унвонини омадсиз тарзда ҳимоя қилиш натижасида Арне Слот ишдан бўшатилди, унинг ўрнини эса Андони Ираола эгаллади.

Аввалроқ Нидерландия оммавий ахборот воситаларида Гакпонинг ўзи янги мураббий қўл остида асосий таркибдаги ўрнини йўқотишдан хавотирда экани ва трансфер сўрашга тайёрлиги ҳақида хабарлар пайдо бўлганди. Бу эса бир неча клублар эътиборини тортди.

Нидерландиянинг Algemeen Dagblad нашрининг ёзишича, аввал бошдан Коди Гакпога қизиқиш билдириб келган ва унга 50 миллион фунт атрофида сармоя ётқизишга тайёр бўлган “Тоттенхэм” охир-оқибат “Манчестер Сити”дан Савио ва Умар Мармушни олиб, ҳужум чизиғини кучайтирди.

Сўнгги маълумотларга қараганда, икки нафар қанот ҳужумчисини “Тоттенхэм”га бериб юборган “шаҳарликлар” энди Коди Гакпо номзодига эътибор қаратган.

Таниқли инсайдер  Фабрицио Романо X ижтимоий тармоғида маълум қилишича, “Манчестер Сити” хўжайинлари “Ливерпуль” футболчиси Коди Гакпони трансфер қилиш учун 85 миллион фунт (99 миллион евро) миқдори кўрсатилган таклиф тайёрламоқда.

Манба маълумотига кўра, «шаҳарликлар» трансферни якунлаш учун саъй-ҳаракатларни кучайтиради. “Манчестер Сити” айни пайтда “Ливерпуль”дан  жавоб кутмоқда. Чунки мерсисайдликлар Гакпога ўринбосар топиб улгуриши керак.

27 ёшли нидерландиялик футболчи 2023 йил январидан буён “Ливерпуль” шарафини ҳимоя қилиб келмоқда. Унинг клуб билан амалдаги меҳнат шартномаси 2030 йил ёзигача мўлжалланган. Transfermarkt портали маълумотига кўра, Коди Гакпонинг айни пайтдаги бозор қиймати 60 миллион еврони ташкил этади.

Ўзбекистонлик футбол ишқибозлари Абдуқодир Ҳусанов ва Коди Гакпо ўртасидаги тўқнашувни яхши эслайди. 2026 йил 8 февраль куни “Энфилд”да бўлиб ўтган  учрашувда “Манчестер Сити” 2:1 ҳисобида ғалаба қозонган эди. Ўша баҳснинг 61-дақиқада Коди Гакпо “Сити” дарвозаси томон ҳужум қилиб, зарба беришга ҳаракат қилган.

Ҳусанов Гакпонинг зарбасини охирги лаҳзада тўсиш учун ўзини тўп йўлига ташлаган. “The Guardian” нашри экспертлари ўзбек ҳимоячисининг бу ҳаракатини жуда жасоратли ҳимояланиш сифатида баҳолаган.

Ўша вазиятда Абдуқодир Ҳусанов Коди Гакпо ва дарвозабон Жанлуижи Доннарумманинг ўртасида қолиб кетган. Аввал ҳужумчига урилган Абдуқодирнинг юз-боши Доннарумманинг тиззасига теккан. Пеп Гвардиола тиббиёт ходимлари тавсияси билан жамоасини голдан қутқаришда жонбозлик кўрсатган Ҳусановни дарҳол майдондан олган эди.

Энди икки рақиб бир жамоа шарафини ҳимоя қилиши мумкин. Чунки “Манчестер Сити” мутасаддилари Гакпо вакиллари билан шахсий шартлар бўйича келишувга эришгани таъкидланяпти.

Беҳруз Каримов ўйнаган учрашувдан кейин “Лугано” биринчи ўринга кўтарилди

Ўзбек футболчиси нега Россияни тарк этди?

Ҳусанов қозоқ клуби бош мураббийига мурожаат қилди

"Манчестер Сити" Ҳусановга муҳим хабар юборди