Ҳусанов ва яна тўрттаси! Ўзбекистон мағлубиятига айбдорлар номи айтилди

2026 йилги жаҳон чемпионатининг “К” гуруҳи иккинчи тур учрашувида Ўзбекистон миллий терма жамоаси Португалияга муносиб рақобат кўрсата олмади. Европаликлар бешта гол урди ва Криштиану Роналду ҳамда унинг шериклари яна тахминан шунча гол уришлари ҳам мумкин эди.

Фабио Каннаваро шогирдлари жаҳон чемпионатидаги иккинчи ўйинини ҳам ютқазди, аммо плей-оффга чиқиш имкониятини ҳали ҳам сақлаб қолмоқда.

“Евро-Футбол” нашри Ўзбекистон миллий терма жамоасининг ўйинини таҳлил қилиб, имкониятидан паст даражада ўйнаган айрим ўйинчиларнинг ҳаракатларини баҳолади.

Максимал баҳо — 10 балл. Бошланғич баҳо — 6,0.

Абдувоҳид Неъматов – 2 балл

Каннаваро иккинчи учрашувда дарвозага Ўткир Юсупов ўрнига Абдувоҳид Неъматовни қўйди, аммо бу қарор Ўзбекистонни қутқара олмади.

Биринчи голда Нематов яқин бурчакдан гол ўтказиб юборди. Тўғри, Роналдунинг зарбаси жуда кучли чиққан, қолаверса барча Криштиануга йўл очиб берган эди.

Нуну Мендешнинг жарима зарбасида эса Неъматов ўз бурчагидан тўп ўтказди.

Бруну Фернандешнинг пастдан узатилган бурчак зарбасидан кейин тўп Ҳусановдан дарвозага йўналди ва бу ҳолат ҳам дарвозабонни ноқулай аҳволга солиб қўйди.

Бундан ташқари, Нематов икки марта ўз жарима майдонида тўпни деярли Роналдуга совға қилди, аммо португалиялик ҳужумчи бу имкониятлардан фойдалана олмади.

Беҳруз Каримов – 2 балл

Тез ўтказиб юборилган гол Ўзбекистонни ҳужум қилишга мажбур қилди.

Аммо агар сиз ФИФА рейтингида 50-ўринда турган жамоа бўлсангиз ва жаҳон чемпионати фаворитларидан бирига қарши очиқ футбол ўйнасангиз, рақиб сизни тез жазолашига тайёр бўлишингиз керак.

Каримовда ижобий ҳаракатлар ҳам бўлди:

• 4 та тўп олиб қўйиш;
• 4 та муваффақиятли дриблинг;
• 4 та ишлаб олинган жарима;
• 1 та ҳал қилувчи узатма;
• 12 та яккакурашни ютиш.

Бироқ салбий кўрсаткичлар ҳам кўп эди:

• 5 та қоидабузарлик;
• рақиб ундан 4 марта муваффақиятли ўтиб кетди;
• 14 та яккакурашда мағлуб бўлди.

Нуну Мендеш Каримов қанотини Каримов Португалия қанотини безовта қилганидан анча кўпроқ ва самаралироқ ёриб ўтди. Нуну айнан шу қанотдан учта ҳал қилувчи узатмани амалга оширди.

Одилжон Ҳамробеков – 2 балл

Ҳамробеков Педру Нетунинг босими остида ўз жарима майдони яқинида рақибни алдаб ўтишга урингани ортиқча ишонч намунаси бўлди. У тўпни йўқотди ва сариқ карточка олиш эвазига қоидабузарлик қилишга мажбур бўлди. Яхшиямки, бу пенальти эмасди.

Аммо яна бир савол туғилади: португалияликлар пенальтини амалга оширган бўлармиди-йўқми, лекин Мендеш жарима зарбасини жуда чиройли ижро этди.

Биринчи голда ҳам Ҳамробеков Роналдуга узатилган тўпни тўсиш учун чиқишга журъат қилмади.

Олти мартаги яккакурашнинг бештасида ютқазди.

Икки марта рақиб уни осонлик билан алдаб ўтди.

У ҳам шериклари каби умумий муваффақиятсиз ўйин оқимида қолиб кетди.

Танаффусда майдонни тарк этди.

Рустам Ашурматов – 2 балл.

Рустам Ашурматов ҳам умумий муваффақиятсиз ўйиндан ажралиб тура олмади. Учрашувни Канселунинг Роналдуга қилган узатмасини шунчаки томоша қилиш билан бошлади.

Рустам танасини буриб, Криштианунинг гол урганини яқиндан кузатиб турди.

Биринчи бўлим охирида ҳам Ашурматов 41 ёшли португалиялик юлдузни безовта қилмасликка қарор қилгандек туюлди. У Роналдуга Бруну Фернандешнинг узатмасига эркин очилиш ва ҳеч қандай қаршиликсиз узоқ бурчакка зарба бериш имконини берди.

Абдуқодир Ҳусанов – 2 балл

Ҳозирча, Ҳусанов ҳимояни ёлғиз ўзи ушлаб тура оладиган даражадаги футболчи эмаслиги кўринди. Аксинча, у ҳам хатоларга йўл қўйган жамоадошлар қаторига қўшилиб қолди. Иккинчи таймда айнан шундай бўлди: мураккаб вазиятда тўпни олиб чиқиш ўрнига қилган ҳаракати натижасида автогол юзага келди. Расмий протоколда бу тўп Нематов ҳисобига ёзилган бўлса-да, воқеанинг моҳияти ўзгармайди.

Шунингдек, Ҳусанов бир эпизодда Леауга йўлланган паст узатмани тўхтатаман деб, айнан шу футболчига қулай вазият яратиб берди ва Рафаэл тўпни дарвоза тўрига жойлади. Ўйин якунлангач, Абдуқодир майдонда кўз ёшларини тўхтата олмади. Кимдир “қандай ҳисобда ютқазишнинг нима аҳамияти бор?” дейиши мумкин, аммо плей-офф масаласида айнан тўплар нисбати ҳал қилувчи омилга айланиши эҳтимоли бор. Ҳозирча эса бу кўрсаткич Ўзбекистон фойдасига эмас.

Эксперт: Роналду ўзидан кетди, ўзбеклар уни аяди, испан ёки немислар бўлганида оёғини узиб оларди!

Эссиз, Ҳусановнинг кўз ёшлари: Ўзбекистон муваффақиятсизлигининг учта катта сабаб очилди

Беҳруз Каримов Роналду билан бирга мундиал рекордчиси бўлди

Роналду Ўзбекистон билан ўйиндаги "даҳшатли" рекордга қандай муносабат билдирди

Ўзбекистон футболчилари ўйини қандай баллга лойиқ кўрилди?

Шомуродов аламли мағлубиятдан кейин мурожаат йўллади

Ҳусанов: Юрагим жуда тез ура бошлади! Абдуқодир мундиал ҳақида ўткир гапирди