Ҳусанов принципиал рақиб “Ливерпуль”га қарши ўйнайдими?

“Манчестер Сити” халқаро учрашувлар учун ажратилган танаффусдан кейин майдонга қайтади. Жамоа “Энфилд” стадионига йўл олиб, Андони Ираола бошчилигидаги принципиал рақиби “Ливерпуль” билан илк бор куч синашади.

Манчестерликлар Англия Премьер-лигасининг молиявий қоидаларини бузиш билан боғлиқ 115 та айбловдан 114 таси бўйича мустақил комиссия томонидан айбдор, деб топилганидан кейин футбол жамоатчилиги диққат-марказида қолмоқда.

Истаймизми, йўқми бу ҳолат Премьер-лиганинг янги мавсумида ҳали бирор маротаба очко йўқотмаган “Манчестер Сити” футболчилари учун қўшимча босим бўлиб турибди. Айниқса, жамоа келажаги мавҳумлиги, унга қандай жазо чораси кўрилиши ҳақидаги тахминлар ва Европанинг қатор клубларидан футболчиларга келаётган трансфер таклифлари бор эътиборни фақат ўйинга қаратишдан чалғитаётгани ҳам сир эмас.

Хусусан, яқинда Абдуқодир Ҳусановнинг ўзига “Челси”, “Астон Вилла”, “Эвертон” ва “Борнмут” каби клубларлардан жиддий қизиқиш бўлаётгани хабар қилинди. Бундай трансфер хабарлари “шаҳарликлар”нинг деярли ҳар бир етакчи ўйинчиси атрофида айлана бошлади.

Шу боис, энг ашаддий рақиблардан ҳисобланган “Ливерпуль” майдонидаги ўйинда манчестерликларга осон бўлмайди. Иккинчи томондан, ҳар икки бош мураббий учун бу янги жамоалари бошқарувидаги илк ўзаро тўқнашув бўлади.

 “Манчестер Сити” фаолиятини ёритиб келаётган нуфузли манба – cityxtra.co.uk сайти экспертлари “Ливерпуль”га қарши ўйин олдидан манчестерликларнинг тахминий таркибини тузиб чиқди.

Дарвозабон - Жанлуижи Доннарумма.

Италиялик дарвозабон терма жамоа сафида халқаро танаффусни яхши ўтказди. У Франция ва Туркияга қарши учрашувларда ажойиб ўйин намойиш этди. Энди у шу савияни дам олиш кунларидаги муҳим баҳсда ҳам кўрсатиши керак бўлади.

Матеуш Нуньеш Англия Суперкубоги учрашуви олдидан олган жароҳатидан кейин асосий таркибга қайтди. Агар Энцо Мареска ҳимоявийроқ тактикани танласа, Абдуқодир Ҳусанов ҳам асосий таркибдан жой олиши мумкин. Бироқ Нуньешнинг сўнгги учрашувлардаги ўйини унинг асосий таркибда майдонга тушиш эҳтимолини оширмоқда. Абдуқодир Ҳусанов эса, ҳимоянинг ҳар қандай нуқтаси учун ротация футболчисига айланиб бормоқда.

Рубен Диаш жорий мавсумда ажойиб формада ўйнамоқда. Унинг яхши ўйини халқаро танаффусда ҳам давом этди: Португалия терма жамоаси тўртта учрашувнинг барчасида ғалаба қозонди. “Манчестер Сити” сардори мавсумдаги энг яхши ўйинларини намойиш этмоқда. Гарчи жамоанинг сўнгги учрашувида бир нечта хатога йўл қўйган бўлса-да, дарвоза чизиғидан тўпни қайтариб, жамоасининг устунлигини сақлаб қолиш орқали бу хатоларни қоплади.

Январь ойида сотиб олинган Марк Гехи клубга келганидан бери асосий футболчилардан бирига айланди. Унинг ўтган мавсумдаги ўйини ҳар икки клуб нима учун уни қўлга киритиш учун қаттиқ курашганини яққол кўрсатди. “Сити” жорий мавсумни муваффақиятли давом эттириш имкониятига эга.

Йошко Гвардиол мавсум бошидаёқ Энцо Маресканинг асосий чап қанот ҳимоячисига айланди. Хорватиялик футболчи дастлабки бешта учрашувда ҳужумда ҳам, ҳимояда ҳам нима учун асосий таркибдан жой олаётганини кўрсатди. Халқаро танаффус унчалик омадли ўтмаган бўлиши мумкин, аммо клуб даражасида у мавсумни юқори савияда бошлади.

Эллиот Андерсон бу ёзда “Этиҳод”га ўтганидан бери сезиларли ўсишга эришди. Жорий йилда “Сити” либосида фақат Рубен Диаш ва Йошко Гвардиол ундан кўпроқ масофа босиб ўтган. Бутун лига бўйича эса фақат Льюис Данк ундан кўпроқ ёриб ўтувчи узатмаларни амалга оширган. Родри “Барселона”га ўтганидан кейин Андерсон “Манчестер Сити” ярим ҳимоясининг муҳим футболчисига айланди.

Клуб тарихидаги энг қиммат харид бўлган Энцо Фернандес тинимсиз ҳаракати ва футболга бўлган беқиёс иштиёқи билан “шаҳарлик” мухлислар меҳрини жуда тез қозонди. Аргентиналик футболчи айнан шундай даражадаги учрашувларда ўзини эркин ҳис қилади. Шунинг учун бу баҳс унга ўз имкониятларини яна бир бор намойиш этиш учун яхши имконият бўлади.

Райан Шерки мавсумни ажойиб бошлади: у барча мусобақалардаги еттита учрашувда олтита гол урди ва олтита голли узатма амалга оширди. Франциялик футболчи мухлисларга янада кўпроқ қувонч улашишга қатъий бел боғлагани кўриниб турибди.

Халқаро танаффус давомида ҳам у яхши формасини сақлаб қолди. Тўртта учрашувда бир гол ва иккита голли узатма қайд этди. Бунда у одатдагидан кўра ҳимояга яқинроқ позицияда ўйнади. Агар ушбу муваффақиятни клуб футболидан ҳам давом эттира олса, Шеркини катта имкониятлар кутмоқда.

Антуан Семеньо сентябрь ойида Премьер-лиганинг ойнинг энг яхши футболчиси бўлиш учун мухлислар овоз берадиган номзодлар қаторига киритилди. У мавсумнинг дастлабки бешта учрашувида иккита гол ва учта голли узатма қайд этган.

Гана терма жамоаси вингери тўпиғидан олган жароҳати сабаб халқаро танаффусда майдонга тушмади. Бироқ жароҳат жиддий эмаслиги айтилмоқда, шу боис у ушбу учрашувда иштирок этиши мумкин.

Норвегия терма жамоаси сафида енгил жароҳат олганига қарамай, Эрлинг Холанд “Ливерпуль”га қарши баҳсда, шубҳасиз, марказий ҳужумчи сифатида майдонга тушади. “Сити”нинг 9-рақамли футболчиси “Ливерпуль”га қарши 11 марта ўйнаб, саккизта гол урган ва битта голли узатма амалга оширган. Шунинг учун у ушбу учрашувни интиқлик билан кутгани табиий.

Илиман Ндиайе эса асосий таркибда майдонга тушиш учун энг муҳим номзодлардан бири. Жереми Доку Англия Суперкубоги учрашувида олган жароҳатидан кейин майдонда атиги 15 дақиқа ўтказган.

“Эвертон”нинг собиқ футболчиси “Этиҳод”даги фаолиятини яхши бошлади. Унинг “Сандерленд”га қарши ўйини эса эҳтимол, энг яхши учрашувларидан бири бўлди. “Ливерпуль”га қарши баҳсда асосий таркибдан жой олиши унга янада юқори даражага кўтарилиш имконини бериши мумкин.

Тахминий асосий таркиб: Доннарумма; Нуньеш, Диаш, Гехи, Гвардиол; Андерсон, Фернандес, Шерки; Семеньо, Холанд, Ндиайе.

Захирадагилар: Рулли, Льюис, Ҳусанов, Аит-Нури, О’Райли, Ковачич, Буадди, Доку, Аллан.

Ўзбек боксчиси қозоғистонлик рақибини сафдан чиқаргани маълум бўлди

Роналду Ўзбекистон клубига қарши ўйин олдидан баёнот берди

Ўзбекистон юлдузлари Германиядаги 2026 йилги шахмат Бундеслигасини бошлади

Ҳусанов кутилмаган хушхабар олди!

“Трансфер бомбаси”: Европанинг 100 йиллик клуби нега ўзбек футболчисини олди?