Ҳиндистонлик шахматчи ака-сингилнинг муваффақияти дунё эътиборида

Ҳиндистон шахматида яна бир тарихий давр кузатилмоқда. Мамлакатнинг машҳур шахматчи ака-сингили — Вайшали Рамешбабу ва Рамешбабу Праггнанандҳа кетма-кет йирик натижалар қайд этди.

Аввало, 2026 йил апрель ойида Вайшали Рамешбабу Номзодлар турнирида ғолиб чиқиб, жаҳон чемпионлиги учун йўлланмасини қўлга киритди.

Орадан икки ой ўтиб, унинг укаси Рамешбабу Праггнанандҳа ҳам йирик муваффақиятга эришди. У йилнинг энг нуфузли шахмат мусобақаларидан бири ҳисобланган "Norway Chess" турнирида ғолиб бўлди.

Шу тариқа, бир оиланинг икки нафар вакили қисқа вақт ичида жаҳон шахматидаги энг муҳим ютуқлардан бирига эришди. Мутахассислар бу натижалар ортида уларнинг онаси Нагалакшмининг меҳнати ва қўллаб-қувватлаши ҳам катта аҳамиятга эга эканини таъкидламоқда.

Энди эса шахмат мухлислари Вайшали ва Праггнанандҳанинг Шахмат Олимпиадасида Ҳиндистон терма жамоаси сафида қандай иштирок этишини қизиқиш билан кутмоқда.