Ҳикару Накамура: "Энди АҚШ терма жамоасининг хато қилишга ҳаққи йўқ"
- 21-сентябр, 12:51
- Oybek Yo’ldoshev
- 0
- Шахмат
Олимпиадада шахсан иштирок этмаётган Хикару Накамура ўз YouTube каналида 5-тур натижалари бўйича таҳлилий видео чиқарди. Асосий мавзу — АҚШ терма жамоасининг Германияга 1,5:2,5 ҳисобида мағлуб бўлгани.
"Бу олтин медаль учун умидларга жуда катта зарба бўлди. Бу жуда оғир, чунки энди АҚШ терма жамоасининг хато қилишга ҳаққи йўқ: Деярли ҳар бир учрашувда ғалаба қозонишга тўғри келади. Кейинчалик, биз билганимиздек, жуда кучли Ҳиндистон ва Ўзбекистон терма жамоалари билан учрашувлар бўлиши мумкин!
Турнир олдидан жамоа ичида учинчи тахтада ким — Ҳанс ёки Левон ўйнаши ҳақида муҳокама бўлганини аниқ биламан. Левон учинчи тахтада ўйнаши, Ҳанс эса тўртинчи тахтага тушиши керак, деган фикрлар бўлган. Чунки у бироз камроқ тажрибага эга ва у ерда нисбатан кучсизроқ рақибларни енгиб, очко тўплаши мумкин эди", - деди америкалик гроссмейстер.
Якунда эса Ниманн учинчи тахтадан, Аронян эса тўртинчи тахтадан ўрин олди.
Накамура Гукеш ҳақида ҳам тўхталди.
"Кўплаб экспертлар Гукешни жуда қаттиқ танқид қилмоқда. Унинг рейтинги пасаймоқда, иккинчи турдаги дурангдан сўнг 2700 рейтингдан тушиб кетди ва кўпчилик уни гўёки умуман ўйнай олмай қўйгандек ҳисобламоқда. Рейтинги пасайиб бораётган бўлса ҳам, у жуда хавфли шахматчи. Унинг жамоаси жаҳон чемпионлиги учун бўлажак баҳсга тайёрлаш устида қаттиқ ишламоқда», — деди Хикару.