Ҳамюртимиз Осиё чемпионатининг "Энг яхши боксчиси" деб топилди!

Осиё чемпионати анъанасига мувофиқ мусобақа якунида U-15 ва U-17 ёш тоифаларида “Энг яхши боксчи” номинацияси ғолиблари аниқланди.

U-17 ёш тоифасида ўғил болалар ўртасида ушбу эътирофга ҳамюртимиз Рушен Сайдуллаев сазовор бўлди. Қизларда эса Қозоғистон вакиласи Аяулим Оспанова турнирнинг энг яхши боксчиси деб топилди.

U-15 ёш тоифасида ўғил болалар ўртасида эронлик Аболфазл Пешенвар, қизларда эса Ҳиндистон спортчиси Сунаина мусобақанинг энг яхши боксчилари сифатида эътироф этилди. Бу ҳақда Ўзбекистон бокс федерацияси хабар бермоқда.