Ҳаммаси тугади! “Арсенал” футболчисини кетказиб юборди

Англиянинг амалдаги чемпиони “Арсенал” вингер Рис Нелсон билан шартнома томонларнинг ўзаро келишуви асосида бекор қилганини эълон қилди.

Нелсон “Арсенал” академияси тарбияланувчиси ҳисобланади. У 2017 йил август ойида асосий жамоадаги дебютидан буён клуб сафида 90 та учрашув ўтказиб, 8 та гол урган ва 9 та голли узатма амалга оширган.

26 ёшли англиялик футболчи “Арсенал” билан бирга Англия кубоги ва иккита Англия суперкубогини қўлга киритган.

“Арсенал” футболчиси сифатида Нелсон “Хоффенхайм”, “Фейеноорд”, “Фулхэм” ва “Брентфорд” клубларида ижара асосида ҳам ўйнаган.

Нелсоннинг “Арсенал” билан шартномаси кейинги ёзгача амал қилар эди ва унда яна 12 ойга узайтириш имконияти мавжуд бўлган. Бироқ томонлар ҳамкорликни муддатидан олдин якунлашга келишишди.

Бу қарор “Арсенал”га иш ҳақи харажатларини камайтириш имконини беради. Нелсон эса ёзги трансфер ойнаси ёпилгунига қадар янги клуб топишга улгурмаса ҳам, ўзига маъқул жамоани мустақил равишда танлаш имкониятига эга бўлади.