Гвардиолага зўр иш чиқди
- 14-июл, 09:39
- Zohir Toshxo’jayev
- 0
- Футбол
“Манчестер Сити” билан хайрлашган испаниялик мутахассис Хосеп Гвардиола Италия терма жамоаси бош мураббийлигига асосий номзод ҳисобланмоқда. Бу ҳақда Италиянинг машҳур нашрлари хабар берди.
Манбага кўра, Италия футбол федерацияси қисқа рўйхатига уч нафар мутахассис киритилган:
- Хосеп Гвардиола;
- Роберто Манчини;
- Антонио Конте.
Бироқ федерация раҳбарияти айнан Гвардиолани энг муносиб номзод, деб ҳисобламоқда.
Эслатиб ўтамиз, Италия терма жамоаси кетма-кет учинчи марта жаҳон чемпионатига чиқолмаганидан кейин мамлакат футбол раҳбариятида катта ўзгаришлар бўлган. Апрель ойида бош мураббий Женнаро Гаттузо истеъфога чиққан, шунингдек Жанлуижи Буффон ва федерация президенти Габриэле Гравина ҳам ўз лавозимларини тарк этган.
11 июль куни эса Италия футболи афсонаси Паоло Мальдини федерациянинг техник директори этиб тайинланган.