Гвардиола: "Силва ва Стоунс кетиш ҳақидаги қарордан кейин енгиллик ҳис қилди"
- 4-май, 10:56
- Bilolbek Imomov
- 0
- Футбол
"Манчестер Сити" бош мураббийи Пеп Гвардиола ярим ҳимоячи Бернарду Силва ҳамда ҳимоячи Жон Стоунснинг жамоани тарк этиши мавзусида фикр билдирди.
Аввалроқ "шаҳарликлар" португалиялик ва англиялик футболчиларнинг шартномалари узайтирилмаслигини расман тасдиқлаган эди. Шу тариқа, улар мавсум якунида эркин агентга айланади.
"Ўйлайманки, расмий баёнотдан кейин иккаласи ҳам енгиллик ҳис қилди. Мен Жондан: “Ҳозир ўзингни қандай ҳис қиляпсан?” деб сўрадим. У: “Ҳаммаси яхши, ўзимни енгил ҳис қиляпман, мухлислар меҳрини сезяпман”, деб жавоб берди.
Мен уларнинг ғалаба қозонишни қанчалик яхши кўришини биламан. Машғулотларда Бернарду кетиши ҳақидаги хабардан кейин ҳам аввалгидек ҳаракат қилмоқда. Уларнинг муносабати умуман ўзгаргани йўқ", — деди Гвардиола матбуот анжуманида.
Бугун "Манчестер Сити" сафарда "Эвертон"га қарши майдонга тушади. Ушбу баҳс Тошкент вақти билан 00:00'да бошланади.