Гвардиола Жаҳон чемпионатига чиқа олмаган жамоани бошқариши мумкин
- 24-апрел, 18:26
- Bilolbek Imomov
- 0
- Футбол
"Манчестер Сити" бош мураббийи Хосеп Гвардиола келажакда Италия терма жамоасини бошқариши мумкин.
"The Touchline" нашрининг "La Gazzetta dello Sport" манбасига таяниб хабар беришича, испаниялик мутахассис "скуадра адзурра" бош мураббийлигига розилик билдириши мумкин.
Аввалроқ Гвардиола фаолиятининг маълум босқичида миллий жамоа билан ишлашни исташини айтганди. Шу боис Италия варианти эҳтимолдан холи эмас.
Айни пайтда мураббийнинг “Манчестер Сити” билан шартномаси 2027 йил ўртасига қадар амал қилади. Бироқ матбуотда у ёзда, клубда тўлиқ ўн мавсум ишлаб, кетиши мумкинлиги ҳақида хабарлар ҳам пайдо бўлган.
Эслатиб ўтамиз, Италия терма жамоаси 2026 йилги жаҳон чемпионатига чиқа олмаганидан сўнг Женнаро Гаттузо бош мураббийлик лавозимини тарк этганди.