Гвардиола Геxи ва Аке ўйинини алоҳида таъкидлади
- 10-май, 07:08
- Bilolbek Imomov
- 0
- Футбол
"Манчестер Сити" Премьер-лиганинг 35-турида ўз майдонида "Брентфорд"ни 3:0 ҳисобида мағлуб этди.
"Шаҳарликлар" барча голларни иккинчи бўлимда урди. Жереми Доку 60-дақиқада ҳисобни очган бўлса, Эрлинг Холанд 75-дақиқада устунликни мустаҳкамлади. Учрашувга нуқтани эса Омар Мармуш 92-дақиқада қўйди.
Ўйиндан кейин "Манчестер Сити" бош мураббийи Хосеп Гвардиола жамоасининг реакциясидан мамнун эканини айтди.
"Ўтган турда "Эвертон"га қарши ўйинда ғалабани қўлдан чиқаргандик, аммо футболда бундай ҳолатлар бўлиб туради. Муҳими — муваффақиятсизликдан кейин тўғри реакция билдириш. Бугун Марк Геxи ва Натан Аке қандай ўйин кўрсатганига қаранг. Мен жуда хурсандман", — деди Гвардиола.
35 турдан кейин "Манчестер Сити" мусобақа жадвалида иккинчи ўринни эгаллаб турибди. Жамоа пешқадам "Арсенал"дан икки очко орқада бормоқда.