Гвардиола “Этиҳод”га қайтяпти

Хосеп Гвардиола собиқ клубини қўллаб-қувватлаш мақсадида “Манчестер Сити”нинг яқин орадаги уй учрашувига ташриф буюрмоқчи.

Гвардиола ўтган ёзда “Сити”ни тарк этган. У клубда 10 мавсум ишлаган ва бу “Этиҳод” клуби тарихидаги энг муваффақиятли давр бўлган.

Яқинда Премьер-лиганинг мустақил комиссияси 2009 йилдан 2018 йилгача бўлган даврда “Сити” молиявий фэйр-плей қоидаларини жиддий равишда бузганини тасдиқлагани маълум бўлди. Бироқ “шаҳарликлар” бу айбловларни қатъий рад этмоқда.

Гвардиола аллақачон Instagram орқали “Сити”ни қўллаб-қувватлаб, клуб юзага келган қийинчиликларни енгиб ўтишига ишонч билдирган.

Бундан ташқари, Daily Express хабар беришича, Гвардиола 14 октябрь куни “Сити” ПСЖга қарши Чемпионлар лигаси учрашувини ўтказадиган “Этиҳод” стадионига ташриф буюрмоқчи.

Гвардиола клуб раҳбариятига ўз режасини тасдиқлаган ва қийин вазиятда “ўз одамлари билан бирга” бўлишни хоҳлаётганини билдирган.