Гол уришига бир баҳя қолган Ҳусановнинг ўйинини экспертлар қандай баҳолади?

“Манчестер Сити” янги бош мураббий Энцо Мареска қўл остида илк учрашувини ўтказди. Мавсумолди тайёргарлик дастурининг бир қисми сифатида Гонконгда Италия чемпиони “Интер” билан ўртоқлик учрашуви ташкил этилди.

Ҳар икки жамоа сафида мундиалда иштирок этган бир неча етакчи ўйинчиларнинг учрашувга жалб этилмагани ёш иқтидорларни ҳам синаб кўриш имконини берди.

Энцо Мареска Ўзбекистон миллий терма жамоаси ҳимоячиси Абдуқодир Ҳусановни бошланғич таркибда майдонга тушириб, тўлиқ ўйнатди. “Шаҳарликлар”дан ўзбек футболчисидан ташқари фақат Жанлуижи Доннарумма ва ҳимоячи Рико Льюис тўлиқ ҳаракат қилди.

Абдуқодир Ҳусанов биринчи бўлимда асосан ҳимоя марказида тўп тепди. Баҳснинг иккинчи ярмида ўнг қанот ҳимоячиси вазифасини бажарди. Экспертларнинг таъкидлашича, Энцо Мареска бу позицияга “Челси”дан Мало Гюстони трансфер қила олмаса, келаси мавсум ўнг ҳимоясини ёпиш яна асли ярим ҳимоячи бўлган Матеуш Нуньеш ва Абдуқодир Ҳусанов чекига тушади.

“Манчестер Сити”нинг “Интер”га қарши учрашувини таҳлил қилган нуфузли манба – esteemedkompany.com экспертлари “шаҳарликлар” таркибидаги футболчиларни қуйидагича баҳолади.  

Жанлуижи Доннарумма:

Дарвозада ўзига хос ишончли ўйинини намойиш қилди. Энг муҳими, у “Сити”нинг ҳужумларни орқа чизиқдан бошлаш жараёнида аввалгидан анча фаол иштирок этганини кўриш ёқимли бўлди.

Рико Льюис:

Танаффусдан кейин ҳақиқий ўйинини кўрсатди. Майдоннинг юқорироқ ҳудудларида ҳаракат қилиш унга жуда мос тушди ва иккинчи бўлимда “Сити”нинг устунлик қилишида муҳим роль ўйнади.

Абдуқодир Ҳусанов:

Ҳусанов бутун учрашув давомида яхши ўйин намойиш этди ва айнан шу нарса ундан кутилаётган эди. Айрим вазиятларда ҳужумга қўшилди, жамоадошларини пас билан таъминлашга ҳаракат қилди. Дарвоза томон зарбалар йўллади.

Йошко Гвардиол:

Бу ўйин хорват ҳимоячиси учун фойдали бўлди. Биринчи бўлимни жароҳатсиз ўтказгани энг муҳим жиҳат бўлди.

Стивен Мфуни:

Учрашувнинг дастлабки ярим соатида қийналди, аммо кейинчалик ўйинга киришиб кетди ва ўз имкониятларини намоён қилди.

Матео Ковачич:

Хорват ярим ҳимоячиси тўп билан яхши ҳаракат қилди, аммо тўпсиз ҳаракатларда бироз ноқулай кўринди. Бугунги вазифаси унга унчалик мос келмади.

Тижани Рейндерс:

У ҳақда ҳам Ковачичга нисбатан айтилган фикрларни такрорлаш мумкин. Агар Энцо Мареска уни биринчи бўлимдаги позициясида ўйнатмоқчи бўлса, Рейндерс мавсум олди йиғинлари давомида анча ишлашига тўғри келади.

Антуан Семеньо:

Ганалик футболчи ажойиб ўйин кўрсатди. Биринчи бўлимда чап қанотда “Интер” ҳимоячиларини анча қийнатди, танаффусдан кейин эса ҳужум марказига ўтди. Бугунги ўйинига қараганда, Семеньо катта мавсумга тайёр.

Фил Фоден:

Фоденда яхши вазиятлар бўлди ва у ўзининг энг яхши жиҳатларини намоён қилди.

Савио:

Бразилиялик футболчи чап қанотда ўнг қанотга нисбатан анча самарали ҳаракат қилди. У яхши имкониятларга эга бўлди, аммо қарор қабул қилишдаги хатолари муваффақиятга эришишига тўсқинлик қилди.

Дивин Мубама:

Гол урди ва биринчи бўлимда яхши ўйин кўрсатди. «Интер»нинг босимига қарамай, узун узатмалар учун вариант бўлиш мақсадида орқароққа тушиб ҳаракат қилгани менга жуда ёқди.

Макс Аллейн:

Майдонга тушгач, ҳимояда ўз вазифасини яхши бажарди.

Витор Рейс:

Иккинчи бўлим давомида кўзга ташланди. Шунингдек, ярим ҳимояга чиқиб ўйнади ва марказий чизиқда муҳим тўп тортиб олиш ҳаракатини амалга оширди. Бу унинг иқтидорини яна бир бор намоён қилди.

Райан Айт-Нури:

У эгаллаган позициялар алоҳида эътиборга лойиқ бўлди. Айт-Нури Энцо Мареска учун муҳим футболчилардан бирига айланиши мумкин.

Нико Гонсалес:

Нико марказий ярим ҳимояда ҳаракат қилган пайтда “Манчестер Сити” анча яхшироқ кўринди. Бу унинг аҳамиятини яққол кўрсатади.

Райан МакАйду:

Жуда ажойиб ўйин намойиш этди. У «Интер» ҳимоячиларини доимий босим остида ушлади ва қанчалик иқтидорли футболчи эканини кўрсатди. МакАйду жуда кучли таассурот қолдирди.

Маҳамаду Сангаре:

Ёш ҳужумчи ўйинга тўлиқ қўшилиб кета олмади.

Клаудио Эчеверри:

Эчеверри ўзига хос қизиқарли жиҳатларни кўрсатди. У ҳали ҳам маълум маънода сирли футболчи бўлиб қолмоқда, бироқ жуда иқтидорли экани шубҳасиз.

Жейден Хески:

Сўнгги ўн дақиқада майдонга тушди ва ижобий таассурот қолдирган бир нечта ҳаракатларни амалга оширди.

Ҳусановнинг илк ўйини неча баллга лойиқ кўрилди?

Тезкор! Шомуродов суперклубга ўтиши кутиляпти

“Брага”даги Ҳасанов “Порту”га супергол урди

Ҳусанов синган оёқ билан майдонга тушганини тан олди

Икки ўзбек “Брага”га нега керак?

Шомуродовни машҳур клубда кўришмоқчи! Элдор ҳар қандай жамоани кучайтиради