Гловер Тейшейра: "Алекс Перейра ва Магомед Анкалаев ўртасидаги реваншнинг 1-раунди даҳшат кечади"

Бразилиялик UFC жангчиси Алекс Перейранинг мураббийларидан бири Гловер Тейшейра россиялик Магомед Анкалаевга қарши реванши ҳақида фикр билдирди.

"Биринчи раунд жуда шафқатсиз бўлади. Гап Алекснинг жаҳли чиққанида эмас, у яна агрессив кайфиятда октагонга киради. Бу сафар жанг анча динамик ўтиши аниқ. Перейра доим олдинга интилади, чунки бунга тайёр. У жуда ишончли кўринмоқда, диққатини жамлаган ва ҳаммаси аъло даражада кетмоқда. Қолган уч ҳафтада фақат техникани сайқаллаб, таймингни тўғрилашимиз керак, холос. Чунки у аллақачон беш раундга тўлиқ тайёр", — дея Тейшейрадан иқтибос келтирди "vRinge".

Эслатиб ўтамиз, реванш 5 октябрь куни ўтказилади.