Гехи Ҳусановдан анча катта маош олади! Демак...

“Манчестер Сити” қишки трансферлар даврида иккинчи катта харидни амалга оширди. “Шаҳарликлар” ҳужум чизиғини “Борнмут” вакили Антуан Семеньо билан кучайтирганидан кейин, марказий ҳимояга “Кристал Пэлас”дан Марк Гехи олди.

Англия футболини ёритаётган оммавий ахборот воситалари манчестерликларнинг янги ўйинчиси оладиган маош миқдорига эътибор қаратди.

Нуфузли манба –  transfermarkt.world портали “Манчестер Сити”нинг энг катта маош олаётган ўйинчилари рейтингини эълон қилган. Унга 20 нафар футболчи киритилди.

Биринчи ўринда ўтган йили жамоа билан шартномасини 2034 йилнинг ярмигача узайтирган Эрлинг Холанд жойлашган. Норвегияли тўпурарнинг клубдан олаётган йиллик даромади 31,5 миллион еврони ташкил қилади.

Марк Гехи жамоага келиши билан бу рўйхатда иккинчи ўриндан жой олди. “Шаҳарликлар” лиганинг энг зўр маркахзий ҳимоячисини Манчестерга кўчиб ўтишга кўндириш учун йилига 18 миллион евро тўлайдиган бўлди.

Жамоа сардори Бернарду Силва ҳам айни пайтда 18 миллион евро миқдорида мояна олмоқда. Бироқ унинг шартномаси 30 июнь куни тугайди. Агар португалиялик юлдуз билан янги битим тузилса, унинг кейинги даромади бу даражада юқори бўлмайди.

Бир йил олдин Абдуқодир Ҳусанов билан бир пайтда “Манчестер Сити”га келган мисрлик ҳужумчи Умар Мармушнинг йиллик маоши 17,7 миллион евро этиб белгиланган ва у бу кўрсаткич бўйича рейтингда тўртинчи ўринда.

Қолган ўринлар эса қуйидагича тақсимланган:

Дарвозабон Жанлуижи Доннарумма ва етакчи марказий ҳимоячилар – Жон Стоунз ва Рубен Диаш бир мавсум учун 15 миллион евродан маблағ оляпти.

Тижани Рейндерс 13,8, Фил Фоден 13,5, Родри 13,2 миллион евро ишлаб топяпти.

“Сити” хорватиялик униварсал ҳимоячи Йошко Гвардиолга 12, франциялик легионер Райан Шеркига 10,8 миллион евро тўлайди.

Асосан захирада вақт ўтказаётган Натан Аке 9,6 миллион евро олаётгани учун ҳам жамоадан кетишни истамаяпти.

Антуан Семеньо яқинда якунланган музокараларда ҳар мавсум учун 9 миллион евро олишга кўнди. Бу унинг аввалги клубдаги маошидан анча яхши сумма. Жорий мавсумда ҳали бирорта учрашувда майдонга тушмаган Матео Ковачич ва Кэлвин Филлипс ҳам йилига 9 миллион евродан маош олади.

Рейтингнинг қуйи поғонасида Матеуш Нуньеш (7,8 миллион евро), Райан Айт-Нури (7,2 миллион евро), бу мавсум ҳали майдонга тушмаган дарвозабон Штефан Ортега (5,4 миллион евро) ва асосий таркибдаги жойини йўқотган Савио (4,8 миллион евро) жойлашган.

Ўзбекистон миллий терма жамоаси марказий ҳимоячиси Абдуқодир Ҳусанов  transfermarkt.world портали тузган “Манчестер Сити”нинг энг катта маош олаётган “топ-20” рейтингига киритилмаган.

Хўш, Ҳусанов ҳар йили “шаҳарликлар”дан қанча маош олади?

Яқинда оммавий ахборот воситаларида 21 ёшли ҳимоячининг “Манчестер Сити”даги йиллик маоши 3,5 миллион евро атрофида экани ҳақида маълумотлар чиққан эди. Демак, шу боис ҳам ўзбек легионери энг катта маош олувчи футболчилар рўйхатида кўринмади.

Ўқинг, қизиқ: 

Бир кун келиб, биз ҳам худди Ўзбекистондек “учамиз”!

Бразилиялик юлдуз Шомуродовга “ҳужум”га ўтди

Ҳусановнинг тарафдорлари кўпайиб кетди

Экспертлар Ҳусановнинг дербидаги ўйинига қандай хулоса берди?

Нури Шахин яна гол урган Шомуродов ҳақида нималар деди?