Германиядаги ҳимоячи икки чемпион ўртасида қаттиқ талаш бўляпти

Икки чемпион – Англия Премьер-лигаси ғолиби “Арсенал” ва Бундеслигада зафар қучган “Бавария” клублари Франкфуртнинг “Айнтрахт” жамоаси ҳамда Германия терма жамоаси ҳимоячиси Натаниэл Браунга қизиқиш билдирмоқда.

Журналист Экрем Конур маълумотига кўра, клублар ўртасида футболчи учун жиддий рақобат бошланган.

Германия терма жамоаси бош мураббийи Юлиан Нагельсман Браунни жаҳон чемпионати учун таркибга киритганидан кейин унга бўлган қизиқиш янада ошган.

Ҳар икки клуб футболчи учун асосий даъвогар ҳисобланмоқда. “Айнтрахт” эса унинг кетиши муқаррарлигини тушуниб турибди. Шу билан бирга, клуб футболчини 80 миллион евродан кам маблағга сотмаслигини маълум қилган.

Жорий мавсумда Браун “Айнтрахт” сафида 42 та ўйинда қатнашиб, 4 та гол ва 6 та ассист қайд этди. Transfermarkt унинг қийматини 40 миллион евро, деб баҳолаган.