Гави "Реал" кийим алмаштириш хонасидаги жанжал ҳақида фикр билдирди
- 20-май, 15:00
- Bilolbek Imomov
- 0
- Футбол
"Барселона" ярим ҳимоячиси Гави "Реал" кийим алмаштириш хонасида содир бўлгани айтилган жанжал ҳақида ўз муносабатини билдирди.
Аввалроқ матбуотда мадридликлар футболчилари — Федерико Вальверде ва Орельен Тчуамени ўртасида муштлашув юз бергани ҳақида хабарлар тарқалган эди. Манбага кўра, жанжал оқибатида Вальверде бошидан жароҳат олган, Тчуамени эса кейинги ўйинда майдонга тушган.
"Вальверде ва Тчуамени жанжалими? Менимча, агар футболчилар ўзаро муштлашган бўлса, мураббий уларни кейинги ўйинга қўймаслиги керак.
Агар бу рост бўлса, Тчуаменига "Эл-класико"да ўйнаш имконини бериш хато қарор бўлган. Лекин аслида нима бўлганини аниқ билмайман", — деди Гави.
Эслатиб ўтамиз, 10 май куни “Барселона” “Реал”ни 2:0 ҳисобида мағлуб этиб, муддатидан аввал Испания чемпионига айланган эди.