Гарет Бэйл Роналдунинг "Реал"даги фаолияти ҳақида ҳеч ким кутмаган жавобни берди!

Гарет Бэйл собиқ жамоадоши Криштиану Роналдунинг фаолияти давомидаги трансформациясига баҳо берди.

"Мен ёшлигимда АПЛда ўйнаган пайтимда, Роналду қанот ҳужумчиси, жуда ёрқин футболчи эди. "Реал"га ўтганимда эса, у тўпурарга айланиш жараёнини энди бошлаётгандек туюлди. У ерда у шундай хулосага келди: агар камроқ куч сарфлаб, кўпроқ гол урса, янада кўпроқ эътироф ва мақтовга эришади.

Шунинг учун "Реал"да ҳам у дриблинг қиларди, лекин ёши улғайган сари ўйини ўзгарди. Илк 2–3 мавсумда у, эҳтимол, "Манчестер Юнайтед"даги Криштиануга ўхшарди. Кейин эса трансформация юз берди: "Мен орқага унча ишламасам ҳам бўлади, шунда қарши ҳужумда яхшироқ позицияда бўламан".

У машғулотларда ҳам, ўйинларда ҳам голларга жуда чанқоқ эди. Унга фақат голлар керак эди. Айнан шу сабабли у шунча рекордларга эга", — деди Бэйл "The Overlap" подкастида.