"Галатасарай" "Реал Мадрид" футболчисини Туркияга олиб кетмоқчи

"Реал" ярим ҳимоячиси Эдуардо Камавинга фаолиятини Туркияда давом эттириши мумкин.

Журналист Ягиз Сабунчоғлу маълумотига кўра, “Галатасарай” 23 ёшли француз футболчиси бўйича маълумот тўплаш ишларини бошлаган.

Шу билан бирга, ҳозирча турк клуби мадридликларга расмий таклиф билан чиққан эмас.

Камавинга жорий мавсумда барча мусобақаларда 43 та учрашувда қатнашиб, 2 та гол ва 1 та ассист муаллифи бўлди.

Унинг “Реал” билан амалдаги шартномаси 2029 йилгача мўлжалланган. Transfermarkt портали футболчининг бозор қийматини 50 миллион евро деб баҳоламоқда.