Ғалабага улкан ҳисса қўшган Шомуродовнинг ўйини қандай баҳоланди?

Италия чемпионатининг 35-турида “Рома” футболчилари 60 мингдан кўп мухлислар кўз ўнгида кучли рақиб – “Фиорентина” устидан кичик ҳисобда зафар қучди.

Мағлубиятсиз сериясини 19 та учрашувга етказган римликлар бу кўрсаткич бўйича “топ-5” лигаларида етакчилик қилмоқда.

“Бўрилар”нинг ғалабасида Элдор Шомуродов муҳим роль ўйнади. 29 ёшли ҳужумчимиз жарима майдончасига юқоридан узатилган тўпни қулай вазиятда турган Артём Довбикка аниқ етказиб  берди.

Украиналик ҳужумчининг биринчи бўлимнинг сўнгги лаҳзаларида киритган тўпи учрашувда ягоналигича қолди.

Ўйин таҳлили билан шуғулланган tuttomercatoweb.com портали экспертлари “Рома” футболчиларининг ҳаракатларини қуйидагича баҳолади.

Свилар 7,5:

Учрашувнинг асосий қаҳрамонларидан бўлди. Свилар дарвозаси томон йўлланган барча зарбаларни бартараф этди.

Челик 6:

Ҳимояда Киннинг йўлини тўсишдан ташқари, “Рома” ўйинчиларидан биринчи бўлиб, Давид де Хеа дарвозасига зарба йўллади.

Манчини 6,5:

 - Ҳимоя марказида рақиб ҳужумчиси Кин билан кўп тўқнаш келди. Моҳир ҳужумчига ўйин бермади.

Ндика 7:

Бу футболчи “Рома”нинг ҳақиқий деворига айланиб қолди.

 Суле 6:

Бутун қанот бўйлаб ўйнайдиган ўйинчи сифатида шаклланди. Шунга қарамай, ҳужум уюштиришни канда қилмайди ва буни яхши уддалайди.

Кристанте 6:

Ўнг қанот ярим ҳимоячиси позицияни анча ўзлаштириб олгани кўриняпти. Ҳар икки қанотда ўйнайдиган ўйинчига айланди.

Гурна-Дуат 6,5:

Майдонда захирадан тушиши билан ўйин динамикасини ушлаб туришга катта ҳисса қўшди.

Коне 6:

Ўз қанотидан ташқари, майдон марказида ҳам жавлон уришига тўғри келди. Ўз вазифасини матонат билан бажарди.

Пеллегрини 6:

Бир неча позицияда ўйнашига тўғри келди. Бироқ олдиндаги икки ҳужумчини тўп билан таъминлашни уддалай олмади. Танаффусда ўрнини Пизиллига бўшатиб берди.

Пизилли 6:

Ўйинга айтарли таъсир ўтказгани йўқ. Қулай вазиятни бой берди.

Анжелино 6,5:

Чап қанот бўйлаб ҳужум уюштиришга кўникиб қолган бу футболчи Шомуродовга ҳаволатиб пас узатди. Элдор уни гол муаллифи Довбикка ташлаб берди.

Шомуродов 6,5:

Клаудио Раньерининг иш услубини англамасангиз, уни тушунтириб беришни айнан ўзбек футболчисидан сўранг. Шомуродов бу гал Артём Довбикнинг голига ассистентлик қилди. Ғалабага яна муносиб ҳисса қўшди.

Балданци 6:

65-дақиқада Шомуродовни ўрнига майдонга тушган футболчи асосан қарши ҳужумлар уюштиришга эътибор қаратди.

Довбик 7:

“Рома”нинг энг кўп танқид қилинадиган футболчиси ўз маҳоратини яна бир бор намойиш қилди. Шомуродов узатган тўпни боши билан “Фиорентина” дарвозасига жойлаб қўйди.

Раньери 6,5:

Бу мураббийнинг “Олимпико”даги саргузаштлари охирига етмоқда. “Фиорентина”га қарши беллашувда биринчи бўлимда қўлга киритилган устунликни ўйин охиригача ушлаб қолди. Раньери “Рома”ни енгилмас жамоага айлантирди.

 

Ҳусановни захирага “михлаган” ўйинчи хушхабар олди!

Шомуродов – “авлиё”! Элдорнинг гаплари тўғри чиқди

Шомуродов урган голнинг қиймати баланд бўлиб чиқди!

Файзуллаев ЦСКАдан кетиши ҳақида гапирди