Фёдор Емельяненко: "Ўша ғалабам мен учун энг муҳими бўлганди!"

48 ёшли россиялик афсонавий жангчи  Фёдор Емельяненко ўз фаолиятидаги энг муҳим жангни эслаб ўтди.

"Антониу Родригу Ногейра устидан қозонган ғалабам мен учун энг муҳими бўлганди. Ўшанда у энг кучли рақиб ҳисобланарди. Худога шукур, ютдим ва дунё рейтингида биринчи рақамга чиқдим. Яна Мирко Филипович билан бўлган жанг ҳам оғир кечган. Лекин, аслида, энг қийин нарса — бу жанг эмас, балки унга тайёргарлик. Машғулотлар одамни бутунлай ҳолдан тўйдиради, охирги ҳафталарда нафақат жисмоний, балки маънавий кураш ҳам кетади. Энг асосийси тушкунликка тушмасдан олдинга интилишдир", — дея Фёдорнинг сўзларини келтирди "oskol.city".

Эслатиб ўтамиз, 2003 йил 16 март куни Емельяненко "Pride 25" турнирида Ногейрани ҳакамларнинг якдил қарорига кўра мағлуб этганди.