Футзал Осиё кубоги. "Б" гуруҳи ўйинлари якунланди

Осиё кубогининг сўнги тур ўйинларига старт берилди.

Индонезия мезбонлик қилаётган футзал бўйича қитъа биринчилигининг сўнги тур баҳсларига старт берилди. 3-турни очиб берган ўйин "Б" гуруҳининг етакчилари Таиланд ва Вьетнам ўйини бўлди. Тенг курашлар остида ўтган ўйинда таиландликлар минимал ҳисобда ғалаба қозониб, гуруҳни 100 фоизлик натижа билан якунлади. Иккинчи ўйинда эса Қувайт терма жамоаси ва Ливан паркетга чиқди. Учрашувда Қувайт рақибни йирик 7:2 ҳисобида тор-мор этиб, гуруҳни 3-ўрин билан якунланди. 3-турдан сўнг, Таиланд 9 очко билан биринчи, Вьетнам эса 6 очко билан иккинчи ўринни эгаллаб, плей-офф йўлланмасини қўлга киритди.

Маълумот учун, ушбу гуруҳ вакиллари “А” гуруҳидан плей-оффга йўл олган жамоалар билан баҳс олиб боради.