Футзал, Осиё кубоги. Афғонистон Ироқни енгиб, жаҳон чемпионати учун сўнгги жангга қадам ташлади

Футзал бўйича Таиландда ўтаётган Осиё кубоги гуруҳ босқичининг плей-офф учрашувлари давом эттирилмоқда. Бугун кун доирасида битта учрашув якунига етди. 

Унда Афғонистон терма жамоаси Ироққа қарши баҳс олиб борди. Беллашувда афғонистонликлар 5:3 ҳисобида зафар қучди ва Ўзбекистонда ўтадиган жаҳон чемпионати учун имкониятини сақлаб қолди.

Энди улар ягона йўлланма учун Вьетнам - Қирғиз Республикаси учрашуви ғолиби билан куч синашади. Айни пайтда мазкур баҳс илк тайми якунига етган, ҳисоб эса 1:1.