"Futures Cup" турнири. 7 нафар боксчимиз ярим финалда!

Таиланднинг Бангкок шаҳри бокс бўйича ёшлар ўртасида "Futures Cup" халқаро турнирига мезбонлик қилмоқда. Ушбу мусобақада икки терма жамоамиз ҳам иштирок этяпти.

Бугун ярим финал учун йигит-қизларимиз курашга киришди. Кун давомида 10 нафар боксчиларимизнинг баҳсига гувоҳ бўлдик. Қуйида натижалар билан танишишингиз мумкин.

-48 кг вазнда бўлиб ўтган баҳсда, Мафтуна Мусурмонова Шимолий Корея вакиласи Ю Гёнг Кимга қарши баҳс олиб борди ва афсуски, 1:4 ҳисобида мағлубиятга учради.

-60 кг вазнда бўлиб ўтган чорак финалда, Рушанабону Исоева словакиялик Каролина Колларовани 3:2 ҳисобида мағлуб этиб, ярим финалга йўл олди.

 

Абдуғани Ёрқинжонов ҳам ярим финалга йўл олди. Боксчимиз -50 кг вазнда мезбон Тҳитипхан Хамраедан 5:0 ҳисобида устун келди.

-55 кг вазнда бўлиб ўтган навбатдаги чорак финалда, Бекзод Исмоилжонов мексикалик Жонатан Бибриескага ҳакамларнинг қарорларига кўра 2:3 ҳисобида мағлуб бўлди.

Сардорбек Баҳромхўжаев -85 кг вазндаги чорак финал, қирғизистонлик Ибрагим Бакаловга имкон қолдирмади. 5:0.

Асадбек Султонбоев ҳам ярим финалда! Боксчимиз -90 кг вазнда, панамалик Норман Симмонсдан устун келди. 5:0.

-51 кг вазнда бўлиб ўтган чорак финал баҳсида, Назокат Мардонова иорданиялик Тала Ҳуссеиндан 5:0 ҳисобида устун келди.

Севара Маматова -65 кг вазнда мусобақадаги биринчи баҳсини биринчи раунддаёқ тугатди. Сенегал вакиласи Сода Фойе техник нокаутга учратилди.

-65 кг вазнда бўлиб ўтган чорак финалда, Иброҳим Шокиржонов япониялик Кунимицу Ҳонжога 0:5 ҳисобида имкониятни бой бериб мусобақа билан хайрлашди.

 

Суҳроб Раҳматуллаев ҳам ярим финалга йўл олди. Боксчимиз бу йўлда -75 кг вазнда, жазоирлик Моҳамед Монсефдан устун келди. 5:0.

Бу ҳақда Ўзбекистон бокс федерацияси хабар бермоқда