Футболчи ҳам бунча олмайди! Инфантино ўзининг маошини 30 миллион долларгача оширмоқчи бўлди
- 3-август, 14:26
- Zohir Toshxo’jayev
- 0
- Футбол
Халқаро футбол федерацияси (ФИФА) президенти Жанни Инфантино ўзининг йиллик маошини 30 миллион долларгача оширишни режалаштириб, ҳаракат қилгани ошкор бўлди.
The Times нашрининг хабар беришича, бу FIFA Forward Enterprise лойиҳаси муваффақиятли амалга оширилган тақдирда рўй бериши керак эди. Шунингдек, Инфантино ушбу ташкилотга раҳбарлик қилгани учун қўшимча бонуслар ҳам олишни режалаштирган.
Режага кўра, янги тузилма ФИФАнинг тижорат фаолияти ҳамда турнирларни ташкил этиш ишларини ягона тизимга бирлаштириши лозим эди. Бироқ ушбу ташаббус футбол амалдорлари, миллий федерациялар ва бошқа соҳавий ташкилотлар томонидан қаттиқ танқидга учради.
Журналист Ромен Молинанинг маълум қилишича, ташкилот ичидаги қўллаб-қувватловни йўқотгани сабабли Инфантинонинг истеъфога чиқиши эҳтимоли ҳам муҳокама қилинган.
Натижада ФИФА президенти жаҳон чемпионати ҳуқуқларининг бир қисмини хусусий инвесторларга сотишга оид лойиҳадан воз кечди.