ФР: Суперлигадаги энг қўпол жамоа қайси?

Суперлиганинг 10-тури ортда қолди. Ҳозирча элитада 63та ўйин ўтказилган (8-тур баҳслари қолдирилгани ҳисобига).

Ортда қолган ўйинлардан кейин "Сўғдиёна" чемпионатнинг энг тартибли жамоаси бўлиб турибди. Жиззахлик футболчилар ҳакамлар томонидан 9 ўйинда 16 бор огоҳлантирилишди (бирорта четлатиш йўқ).

"Қизилқум" эса айни пайтда ўйин қоидасини энг кўп бузаётган жамоа бўлиб турибди. Навоий клуби вакилларига 20та сариқдан ташқари, 6 бор қизил карточка кўрсатилган.

Ифеани Ифеани 2 бор майдондан четлатилган лигадаги ягона футболчи бўлиб турибди.

Жасур Жалолиддинов эса энг кўп огоҳлантирилган ўйинчи ҳисобланади (4 марта).

Позициялар бўйича олиб қаралса, энг кўп карточка ярим ҳимоячиларга кўрсатиляпти — 92 сариқ, 13 қизил. Яккакурашлардан узоқда бўладиган дарвозабонларимиз эса асосан вақт чўзиш оқибатида 11 бор огоҳлантирилди.

Футболчиларни энг кўп майдондан четлатган рефери эса Раҳимбек Каримов ҳисобланади — 5 ўйинда 7 марта.

Фахриддин Рўзиев