Формула-1: Австралия Гран-приси. Биринчи ва иккинчи эркин амалиёт ўз ниҳоясига етди

Формула-1'нинг 2026 йилги мавсуми старт олди. Бугун 6 март куни Австралиянинг Мелбурн шаҳрида ўтказилаётган Гран-прининг биринчи ва иккинчи эркин амалиётлари ўз ниҳоясига етди. Биринчи амалиётда энг тезкор натижа кўрсатган учлик Шарль Леклер (“Феррари”), Льюис Хэмилтон (“Феррари”) ва Макс Верстаппен (“Ред Булл”) бўлишди. 

Иккинчи амалиётда энг тез вақт кўрсатган пойгачи Оскар Пиастри (“Макларен”) бўлди. Австралиялик пойгачи 1:19.729 натижа кўрсатди. Иккинчи ва учинчи энг тезкор айланани “Мерседес” пойгачилари Андреа Кими Антонелли ва Жорж Расселл қайт этишди.

Эслатиб ўтамиз, шанба 7 март куни учинчи эркин амалиёт ва саралаш босқичлари ўтказилади. Якшанба, 8 март куни Австралия Гран-приси пойгасига старт берилади.