Флик уч футболчидан хавотирда. Олдинда ПСЖ билан тўқнашув бор

«Барселона» бош мураббийи Ханс-Дитер Флик жамоа таркибидаги бир нечта муҳим футболчи соғлиги юзасидан хавотирга тушган.

«Бетис»га қарши ўйинда Жерар Мартин ва Эрик Гарсия жароҳатга ўхшаш оғриқлар сабаб майдонни тарк этди. Жамоанинг яна бир ҳимоячиси Жюль Кунде ҳам кичик муаммоларга дуч келгани айтилмоқда.

«Ҳозирги пайтда энг асосий масала – футболчиларнинг тикланиши. Бу жуда муҳим. Сешанба куни бўладиган учрашувда ўйин вақти қандай тақсимланишини ўйлаб кўрамиз. 11 нафар асосий футболчини танлашимиз керак бўлади. 

Ҳозирча Гарсиянинг аҳволи аниқ эмас, Кундеда ҳам кичик муаммолар бор, Мартинда ҳам шундай. Кўрамиз. Олдимизда яна икки кун бор, шундан кейин ҳолатни баҳолаймиз. Аввало тиббий кўрик натижаларини кутишимиз керак», – дея Фликнинг сўзларини Goal нашри келтиради.

«ПСЖ» ва «Барселона» ўртасидаги учрашув сешанба куни, 21 октябрга ўтар кечаси Тошкент вақти билан 00:00да бўлади.