Флик Моуриньо “Реал”га келишига қаттиқ муносабат билдирди

Кетма-кет иккинчи йили “Барселона”ни Испания чемпионига айлантирган Ханс-Дитер Флик “Реал” бош мураббийлигига Жозе Моуриньо келиши ҳақидаги хабарларга  муносабат билдирди.

- Ҳа, энди нега Моуриньо келмаслиги керак? У рақиб жамоа мураббийи бўлади ва мен ҳар ким билан тўқнаш келишга тайёрман, - деди Флик.

Аввалроқ, Жозе Моуриньонинг “Реал” жамоаси бош мураббийи лавозимига тайинланиши “Қироллик клуби”даги президентлик сайловлари натижалари эълон қилингунча кечиктирилиши хабар қилинганди.

Моуриньо Туркия чемпионатидан кетганидан кейин жорий мавсум “Бенфика”ни бошқарди. Айни пайтда португалиялик мутахассис “Реал”да иш бошлашга тайёргарлик кўрмоқда ва таркиб имкониятларини ўрганиб чиқяпти.