Флик: "Асосий муаммо — жароҳатлар бўлди"

"Барселона" бош мураббийи Ханс-Дитер Флик жорий мавсумда уни энг кўп ташвишга солган жиҳат ҳақида фикр билдирди.

Каталонияликлар шанба куни Ла Лига баҳсида "Осасуна"ни 2:1 ҳисобида мағлуб этиб, чемпионликка жуда яқинлашди. Агар бугун "Реал" очко йўқотса, "кўк-анорранглар" муддатидан аввал чемпионликни қўлга киритади. Акс ҳолда, ғолиблик масаласи келаси ҳафтаги "Эл-класико"да ҳал бўлиши мумкин.

"Бу мавсумдаги энг катта қийинчилик? Биз жуда кўп жароҳатлар билан тўқнаш келдик. Назаримда, янги мавсум олдидан айнан шу жиҳат устида биринчи навбатда ишлашимиз керак", — деди Флик матбуот анжуманида.

Эслатиб ўтамиз, немис мутахассиси "Барселона" бош мураббийлигига 2024 йил ёзида тайинланган эди.