Финалга оз қолди

Туркиянинг Анталия шаҳрида теннис бўйича ўтказилаётган M15 таснифига кирувчи халқаро турнирда ҳамюртимиз Сергей Фомин жуфтлик баҳсларида чорак финалга чиқди.

Теннисчимиз жуфтлик беллашувларида нейтрал теннисчи Даниил Голубев билан тандем ҳосил қилиб, илк босқичда нидерландиялик Пепейн Бастиансен ва Мес Роттгерингни 1:6, 6:2, 10:3 ҳисобида таслим этди.

Шу тариқа, чорак финалга чиққан Сергей ва Даниил ярим финал йўлланмаси учун ўтадиган ўйинда чехиялик Мартин Крумич ва швейцариялик Жеффри фон дер Шуленбург дуэти билан рақобатлашадиган бўлди.  

Шунингдек, Сергей Фомин Халқаро теннис федерацияси томонидан ўтказилаётган мазкур мусобақанинг яккалик баҳсларида ҳам ўз омадини синаб кўрмоқда. Спортчимиз илк даврада испаниялик Икер Севилла билан куч синашади.