ФИФА президенти Ўзбекистон дебютига қандай муносабат билдирди?

ФИФА президенти Джанни Инфантино Ўзбекистон терма жамоасини 2026 йилги жаҳон чемпионатидаги дебюти билан табриклади, деб хабар бермоқда мундиални ёритаётган оммавий ахборот воситалари.

«Ҳар бир жаҳон чемпионати ўзининг янги ҳикояларини яратади. Мехикода эса Ўзбекистон ўз тарихини ёза бошлади.

Бу — авлодлар давомида орзу қилинган палладир. Колумбияга қарши майдонга тушиш, жаҳон чемпионатлари тарихида Ўзбекистоннинг илк голини уриш — буларнинг барчаси ҳар бир футболчи, мураббий ва бу кунга ишонган мухлислар ютуғидир.

Ушбу тарихий сафарнинг ҳар бир онидан баҳра олинг», — дея ёзган Инфантино ўзининг инстаграмдаги саҳифасида.

Ўзбекистон терма жамоаси жаҳон чемпионатлари тарихидаги илк учрашувини Мексикада ўтказди. Афсонавий "Ацтека" стадионида Колумбияга қарши баҳс Фабио Каннаваро шогирдларининг 1:3 ҳисобидаги мағлубияти билан якунланди. 

Мундиалда Ўзбекистон терма жамоасининг тарихий биринчи голига вингер Аббосбек Файзуллаев муаллифлик қилди.