ФИФА президенти жаҳон чемпионатидан сўнг яна бир йирик мусобақани ҳар 2 йилда ўтказишни таклиф қилди
- 3-январ 2022, 20:19
- Baxtiyorjon Toshtemirov
- 0
- Футбол
ФИФА президенти Жанни Инфантино жаҳон чемпионатини ҳар икки йилда бир марта ўтказиш ғояси ҳақида гапирар экан, Европа чемпионатини ҳам шундай форматда ўтказишни таклиф қилди.
“Даставвал шуни айтмоқчиманки, жаҳон чемпионатини ҳар икки йилда бир марта ўтказиш менинг таклифим эмас. ФИФА Конгресси аъзоларининг 88 фоизи, жумладан, Европанинг кўплаб мамлакатлари бундай имкониятни ўрганиш бўйича тадқиқот ўтказиш учун овоз берди.
Биз жуда жиддий тадқиқот олиб бордик, спорт нуқтаи назаридан жаҳон чемпионати ҳар икки йилда бир марта ўтказилиши мумкинлиги исботланди. Бу ҳолатда терма жамоалар учун ўйинлар камроқ бўлади, аммо кўп ҳиссиётларни келтириб чиқарадиган ўйинларга кўпроқ гувоҳ бўламиз. Худди шунингдек Европа чемпионати ҳам ҳар икки йилда бир марта ўтказилиши мумкин.
Италия жаҳон чемпионатларида жуда кўп ўйнайди ва бу турнир спорт нуқтаи назаридан мамлакатга жуда кучли таъсир кўрсатади. Аммо кўпгина мамлакатларда бундай имконият йўқ, чунки турнирга бор-йўғи 32 та жамоа иштирок этади холос.
100 йил муқаддам жаҳон чемпионатини ҳар тўрт йилда бир марта ўтказилишига қарор қилинган эди. Ўшанда футбол фақат дунёнинг 40 мамлакатида - Европа ва Жанубий Америкада ўйналган. Бугунги кунда бизда 200 дан ортиқ терма жамоалар мавжуд. Бу ҳолат ҳисобга олиниши керак”, - деди Инфантино.