ФИФА ЖЧ-2026 ўйинларига сув олиб киришга тақиқ қўйди

Халқаро футбол федерацияси (ФИФА) 2026 йилги жаҳон чемпионати ўйинларига ҳар қандай сув идишларини олиб киришни тақиқлади.

Турнир 11 июндан 19 июлгача ҳаво ҳарорати юқори бўлиши кутилаётган АҚШ, Канада ва Мексикада бўлиб ўтади. ФИФАнинг таъкидлашича, бу чора "ўйинчилар ва томошабинлар учун хавф ва жароҳатларнинг олдини олиш учун" қабул қилинган. Шу билан бирга, ташкилот ўйинлардан олдин ва ўйин пайтида сув сотилишини, шунингдек, стадионларда совутиш станциялари, вентиляторлар ва туманли сув пуркаш зоналари ишлашини таъкидлади.

Англия терма жамоаси мухлислари вакиллари тақиқни "ғалати ва кечиккан" деб атади ва аввалроқ ФИФА сув ташишга тақиқ қўйилмаслигини ваъда қилганини таъкидлади. Мухлислар ҳам ижтимоий тармоқларда норозилик билдириб, янги қоидалар томошабинлар учун қўшимча харажатларга олиб келиши мумкинлигини тахмин қилишди.